"Бир үйдүн жалгыз кызы эле...". Кадамжайда зордукталып, өлтүрүлгөн кыздын жакындары үн катты

Баткенде зордукталып, өлтүрүлгөн кыздын ата-энесинин Орусияга кеткенине 20 гана күн болгон. Кыз таенесинин колунда калган. Ага чейин ал ата-энеси менен чогуу жашаган. Бул тууралуу SUPER.KG порталына кыздын атасынын бир тууганы Үсөн Мурзадиллаев билдирди.

Буга чейин социалдык тармактарда кыздын ата-энеси миграцияда жүргөнү, ал кароосуз калганы тууралуу маалыматтар тараган болчу. Бул маалымат чындыкка дал келбейт дейт Мурзадиллаев.

Каза болгон кыз үй-бүлөдө жалгыз кыз болгон. Аны окуя болгон күнү эртең мененки саат 9:30да жеңелери көргөн. Акыркы жолу саат 10дор чамасында инстаграм баракчасына кирген.

"Окуя болжол менен саат 11-12лер чамасында болгон. Ата-энесинин азыркы абалын сөз менен айтып жеткирүү мүмкүн эмес. Ал үй-бүлөдө жалгыз кыз болчу. Кызыбызды зордуктап, өлтүргөндөр кошуна айылдын балдары деп айтышты. Шектүүлөрдүн бирөө үй-бүлөлүү, бала-чакалуу экен. Мен аларды, ата-энелерин дагы тааныбайм. Окуя күндүз болуп, аны бир да жан байкабай калганы өкүнүчтүү. Биз бул суук кабарды милиция кызматкерлеринен уктук. Кызыбыздын жакындары, ата-энеси күнөөлүүлөр жазасыз калбай, мыйзам астында сөзсүз жооп беришин талап кылабыз", - дейт кыздын атасынын бир тууганы.

Кыздын сөөгү кечээ, 5-сентябрда жерге берилген.

4-сентябрь күнү Баткен облусунун Кадамжай районунун Холмион айыл аймагынын Ноогардан айылында саат 15-25 чамасында сел өтүүчү тоннелдин ичинде кыздын жансыз денеси табылган. Окуя болгон жерге кароо жүргүзүү учурунда колу артка жип менен байланган, моюнунан жип менен муунтулуп киши колдуу өлтүрүлгөн кыздын жансыз денеси табылган.

Автор: Максуда Кудайбердиева

23:41 06-09-2022

Жазылуу

РУБРИКАДАГЫ СОҢКУ КАБАРЛАР

10:57 2025-05-02 | Коом жана турмуш

АКШдан депортациялангын 20 кыргызстандык жаран өлкөгө кайтып келди 28 0

10:34 2025-05-02 | Түркүн дүйнө

"Өлүм көп болсун дегем". "Крокустагы" терактка шектүүлөрдүн бири дагы бир кылмышын айтты 324 0

10:13 2025-05-02 | Коом жана турмуш

СМА менен ооруган Аймээримге акча чогултуу үчүн кайрымдуулук концерти өтөт 323 0

09:38 2025-05-02 | Коом жана турмуш

Көпчүлүк аймактарда жаан жаайт. Бүгүнкүгө карата абы ырайы тууралуу маалымат 253 0

09:24 2025-05-02 | Коом жана турмуш

Дүйнөлүк валюталардын сомго карата наркы 336 0

09:14 2025-05-02 | Коом жана турмуш

Вокзалдагы жык-жыйма эл: Бишкектеги автобустар аймактарга каттамга чыкты 708 0

Архив

Комментарийлер (2)

Kuban-1207

2022-09-06 11:19:00

Айбан бул эшектерди атыш керек башка айла жок атпаса эле токтобойт зомбулук зордуктоо.

raykray

2022-09-06 12:22:00

Оозу бузуктар суйлой берет! Кочодо калабы , кароосузбу, инвалидби, кочодо калганбы эчким жаш чырпыкты кайрып олтургонго акысы жок! Зордуктаганыда! Ким кандай журот оз иши озу жооп берет! Тийбегиле аял кишиге зоокурлор( . Ата энесине сабыр тилейм . Ушунча кызын чонойтуп анан ушундай омур мн коштошсо (

Комментарий калтыруу үчүн өз ысымыңыз менен кириңиз же каттоодон өтүңүз.