Саламаттыкты сактоо министринин орун басары иштен кетти

Саламаттык сактоо министринин орун басары Жаркынбек Касымбеков кызматынан бошотулду. Бул тууралуу маалыматты министрликтин маалымат кызматы тастыктады.

Касымбеков бул кызматка ушул жылдын 4-июнунда мурдагы министр Алымкадыр Бейшеналиевге кылмыш иш козголуп, жумуштан четтетилгенден кийин дайындалып, ага министрдин милдетин аткаруу да жүктөлгөн.

Министрликке жаңы жетекчи болуп 23-августта Гүлнара Баатырова дайындалып, Касымбеков орун басар катары иштеп келген.

Касымбековдун кызматтан кетишинин себеби жана анын ордуна ким келери айтылган жок.

Жаркынбек Касымбеков 49 жашта. Ал 1996-жылы Медицина академиясын аяктаган. 2014-2015-жылдары Бишкектин “Тез жардам” кызматынын башкы дарыгери болгон.

Автор: Максуда Кудайбердиева