Өлкөдө карантинге жабылган мектептердин саны 509га жетти

Өлкөдө түзүлгөн эпидемиологиялык кырдаалга байланыштуу республика боюнча жалпы 509 (саат 10:00гө карата маалымат) билим берүү мекемеси карантинге жабылды. Бул тууралуу Билим берүү жана илим министрлигинен билдиришти.

Ага ылайык, аймактар боюнча жабылган мектептердин саны:

Бишкек шаарында – 40;

Ош шаарында - 10;

Чүй облусунда – 333;

Талас облусунда – 114;

Жалал-Абад облусунда – 10;

Ош облусунда – 1;

Баткен облусунда - 1.

Саламаттык сактоо министрлигинин буйругунун негизинде Жергиликтүү санитардык эпидемиологиялык көзөмөл борбору карантинге жабуу тууралуу бүтүм чыгарган мектеп жана бала бакчалар гана карантинге жабылат.

Белгилей кетсек, Кыргызстан боюнча 2 миң 357 жалпы билим берүү мекемеси бар.

Автор: Айжанар Рыспек кызы