Ошто Ак-Буура дарыясынын жээгиндеги веложол дагы 2 чакырымга узартылды. Бул тууралуу кечээ, 14-ноябрда Ош шаарынын мэриясы билдирди.
Маалыматка караганда, жаңы жол Ак-Буура сейил багынан башталып, Токтогул сейил багына чейин уланып, Бекмамат Осмонов көчөсүнө чыгат. Ал жөө жүргүнчүлөргө жана велосипед сүйүүчүлөрүнө арналган.
Шаар мэри Жанарбек Акаев тургундар үчүн сейилдөөгө жана велосипед тебүүгө ыңгайлуу шарттарды түзүү иштери улантыларын белгиледи.