Түркиядагы зилзаладан каза болгондордун жалпы саны 11 миңден ашты

Түркияда жер титирөөдө курман болгондордун саны 9 миңге жетти. Бул тууралуу өлкө президенти Режеп Тайип Эрдоган билдиргенин жергиликтүү басылмалары жазып чыкты.

Анын айтымында, каза болгондордун саны 9 миң 57ге жетсе, жаракат алгандардын саны 52 миң 979. Зилзаланын кесепетинен 6 444 имарат кыйраган.

Дүйнөлүк ЖМКлардын маалыматына караганда, Сирияда каза тапкандардын саны 2 662ге жетип, он миңдеген адам жаракат алган.

Белгилей кетсек, 6-февралга караган түнү саат 04:17де Түркиянын түштүк-чыгышындагы жети аймагында күчү 7,4 баллга жеткен катуу жер титирөө болгон. Жер силкинүүнүн очогу Түркиянын түштүк-чыгышындагы Газиантеп шаарынан 26 чакырым алыстыкта, Сирия менен чек арага жакын жерде орун алган.

Автор: Бек Оморбеков