Ерке Есмехан, Камшат Жолдубаева... Биринин артынан бири турмуш жолуна узаган казак жылдыздары

Казакстандык ырчы Ерке Есмехан жыл башында турмушка чыгып башка ырчы айымдарга жол ачты өңдөнөт. Анткени, Есмехандан артынан эле ырчылар Камшат Жолдубаева жана Гүлназ Жоланова турмуш жолуна аттанышты.

Ерке Есмехан менен рэп аткаруучу Раим ушул жылдын 20-январында нике кыйдырышып, 18-февралда ырчы айымга сөйкө салынган. Жылдыздардын бул кадамын коомчулук чоң талкууга алган.

Коомдун талкуусун Раимдин “Алсыздыкка алдырбагыла. Адам эмес, Кудай каалагандай болот. Баарынан айрылсак дагы, сүйүүбүздү жогото албасыбызды түшүндүк. Токтоткулачы, сураныч”, - деген билдирүүсү басты.

Ерке Есмехандын биринчи жолдошу Асхат Садырбаевден Муслим аттуу уулу бар. Алар 2011-жылы баш кошуп, 2013-жылы ажырашып кетишкен. 2021-жылы ырчы айым “Ninety One” тобунун мурунку мүчөсү A.Z. лакап аты менен таанылган Азамат Зенкаев менен мамиледе экени айтылган. Бирок ошол эле жылы ноябрда алар эки жолго түшкөнү тастыкталган. 2022-жылы декабрда Есмехан менен Раимдин мамилеси бар деген сөздөр тарай баштаган.

Ал эми Раим 7 жыл Наргиза аттуу кыз менен мамиле курганы айтылат. Аталган кыз менен чогуу түшкөн сүрөттөрүн рэпер мырза социалдык тармактарга чыгарып турган. Бирок алардын мамилесин “Ерке Есмехан менен Раим жакын мамиледе” деген сөздөр бузганы айтылат.

Ерке Есмехандын артынан эле актриса, ырчы Камшат Жолдубаева турмуш жолуна аттанды. Ырчы актёр Газрет Ержанов менен бүлө курду.