Ала-Арча дарыясы он жылдан бери биринчи жолу тазаланууда

«Бишкек суу чарба» муниципалдык ишканасы Ала-Арча дарыясын күчөтүлгөн кол жана механикалаштырылган тазалоо иштерин жүргүзүүдө. Бул тууралуу Бишкек мэриясынан маалымдашты.

Маалыматка ылайык, тазалоо иштери Ала-Арча дарыясынын жээгин көрктөндүрүү боюнча долбоорлорду ишке ашыруудагы биринчи кадам болуп саналат. Скрябин жана Малдыбаев көчөлөрүнүн кесилишинен Ахунбаев көчөсүнө чейин тазаланууда. Дарыянын жээгинде куурап калган бадалдарды жана бак-дарактарды кыюу, камыштарды жана башка отоо чөптөрдү чабуу иштери аткарылууда.

Белгилей кетсек, аталаган дарыяда мындай иштер 10 жылдан бери биринчи жолу жүргүзүлүп жатат.

Автор: Гүлкайыр Абдиманнап кызы