Жаныбек Абиров кайра шайлоого катышабы? Өзү жооп берди

Кечээ, 24-июлда Жогорку Кеңештин мурдагы депутаты Жаныбек Абиров социалдык тармактагы баракчасы аркылуу түз эфирге чыгып, катталуучуларынын суроолоруна жооп берди.

Анда Абиров Ленин районунун жашоочуларынан "Алдыдагы шайлоого катыш" деген сунуш түшүп жатканын айтты.

"Ленин районунун жашоочулары мага кайрылып, "Жаныбек, келе жаткан шайлоого катыш" деп айтып жатышат. Мен биринчиден колдоочуларга ыраазычылык билдирем. Азыркы учурда 21-кылымда элдерден жакшы сөз күтүү кыйын.

Акыркы бир жума мурун мага кайрылган Ленин районунун жашоочулары, азыр команда менен сүйлөшүп, үй-бүлө менен ойлонуп жатабыз. Бул чечим оңой болбойт. Бул жактан дагы көп суроолор пайда болуп жатат", - деди Жаныбек Абиров.

Ал ошондой эле акыркы окуядан кийин мандатын тапшыруу туура чечим болгонун айтты.

Эске салсак, ушул жылдын 12-мартында депутат Жаныбек Абиров мушташка катышканы белгилүү болгон. Мушташтан жабыркаган жаран Улуттук госпиталга жаткырылган. Бул кадамы үчүн Абиров социалдык тармактагы баракчасы аркылуу элден кечирим сураган.

Ал эми 15-мартта Жогорку Кеңеш Жаныбек Абировго карата кылмыш ишин козгоого макулдук алуу үчүн Башкы прокурор киргизген сунушту карап, атайын депутаттык комиссия түзүлгөн.

27-мартта ал жоопкерчиликти сезип жатканын айтып, депутаттык мандатын тапшыра тургандыгын билдирген. Анын арызы БШКда каралып, Абиров мандатынан ажыратылган. 5-апрелде Жогорку Кеңешке келип, акыркы билдирүүсүн жасап, депутаттар менен коштошуп кеткен.

Автор: Азат Бейшенбеков

08:43 25-07-2023

Жазылуу

РУБРИКАДАГЫ СОҢКУ КАБАРЛАР

23:51 2025-06-11 | Коом жана турмуш

Жайылда желмаянды мас абалында башкарган жаран кармалды 284 0

23:02 2025-06-11 | Саясат

Адылбек Касымалиев Бишкек эл аралык кинофестивалынын ачылышына катышты 208 0

22:50 2025-06-11 | Түркүн дүйнө

Трамп Кытай менен соода келишими даяр экенин билдирди 400 0

22:21 2025-06-11 | Коом жана турмуш

Белгилүү британиялык актёр Доминик Уэст Бишкекке келди (фото) 726 0

22:02 2025-06-11 | Кылмыштар, кырсыктар

Бишкекте жүк ташуучу унаа оодарылып кетти (видео) 757 0

21:36 2025-06-11 | Коом жана турмуш

Милиция Сосновкадагы кампада каза болгон жарандын өздүгүн тактоого жардам сурайт 1309 0

Архив

Комментарийлер (2)

aza84

2023-07-25 19:21:00

Тынч эле болчу кылгылыкты кылып коюп баары сен учун болуп жатат

zhaynak

2023-07-26 01:27:00

Сага оюнчукпу эмне, 18млн. сом кетти бир шайлоого. Ошончо акча асманга учту. Дагы ошончо акча учканы жатат. Сен шайланып дагы бир клубка бара коюп шоктонуп журбо. И так сенин бир клубун 36 млн сомго тушуп отурат.

Комментарий калтыруу үчүн өз ысымыңыз менен кириңиз же каттоодон өтүңүз.