Дмитрий Бивол Артур Бетербиев менен беттешке Ысык-Көлдө даярдык көрүп жатат

Бокс боюнча дүйнө чемпиону Дмитрий Бивол Чолпон-Ата шаарына келди. Бул тууралуу калаа мэриясы билдирди.

Маалыматка ылайык, белгилүү спортчу машыктыруучусу менен бирге Ысык-Көлгө машыгуу үчүн келген. Аны менен калаа башчысы Азамат Турдубеков жолугуп, Чолпон-Ата шаарынын символикасын белек кылган.

"Токмок шаарында туулуп-өскөн Бивол Кыргызстан, анын ичинде Ысык-Көл жүрөгүнө жакын экенин билдирип, жалпы элди Нооруз майрамы менен куттуктады", - деп айтылат маалыматта.

Белгилей кетсек, Дмитрий Бивол жарым оор салмактагы абсолюттук дүйнөнүн чемпиону наамы үчүн орусиялык Артур Бетербиев менен беттеш өткөрөт. Беттеш 1-июнда Сауд Арабиясында болот.