Кадамжайда милиция кызматкерлерине сыйлыктар тапшырылды

Бүгүн, 2-ноябрда Жогорку Кеңештин депутаты Бурул Аманова Кадамжай районунда Ички иштер органдарынын күнүнө жана Кыргыз милициясынын түзүлгөндүгүнүн 102 жылдыгына арналган салтанаттуу иш-чарага катышты.

Жогорку Кеңештин басма сөз кызматынан билдиришкендей, иш-чарада депутат милиция кызматкерлерин жана ардагерлерин кесиптик майрамы менен куттуктап, алардын коомдук тартипти сактоодогу жана жарандардын коопсуздугун камсыз кылуудагы эмгегин белгиледи.

Ошондой эле ал милиция кызматкерлерине бекем ден соолук, үй-бүлөлүк бакубатчылык жана кызматтык ийгиликтерди каалады.

Салтанаттын жүрүшүндө ички иштер органдарынын бир катар алдыңкы кызматкерлерине Жогорку Кеңештин Ыраазычылык каттары тапшырылды.

Автор: Айзада Кыдырмышева