Нарында бир катар ашуулар жазга чейин жабылды

Нарын облусунда аба ырайынын кескин өзгөрүшүнө байланыштуу бир катар ашуулар жана унаа жолдору убактылуу жабылды. Бул тууралуу бүгүн, 12-ноябрда Транспорт министрлигинен билдиришти.

Маалым болгондой, төмөнкү жол тилкелеринде унаа кыймылы чектелди:

Казарман – Жалал-Абад унаа жолундагы Сары-Кыр ашуусу;
Ат-Башы – Кында – Торугарт унаа жолундагы Кында ашуусу;
Нарын - Орук-Там унаа жолунун Эки Нарын айылынын 50-чакырым аралыгынан, Капчыгай бөлүгүнүн 75-чакырымына чейинки унаа жолу.

"Аталган жол тилкелерин жана ашууларды жаз айларында аба ырайынын шарттарына жана жолдун абалына жараша ачуу пландалууда",- деп кошумчаланат маалыматта.

Автор: Меерим Кабыловага