Биз социалдык тармакта

Чүй милициясы туристтерге англис жана кытай тилдеринде жардам көрсөтүүдө (видео)

Чүй облусунун аймагындагы тарыхый жана маданий жайларга келген чет элдик туристтерге милиция кызматкерлери англис жана кытай тилдеринде маалымат берип, жардам көрсөтүүдө. Бул тууралуу бүгүн, 17-ноябрда Чүй облустук ички иштер башкы башкармалыгынан билдиришти.

Маалыматка караганда, милиция кызматкерлери туристтерге кыргыз элинин байыркы тарыхы, улуттук каада-салты, маданияты жана тарыхый мурастары тууралуу айтып берип, кызыктырган суроолоруна жооп кайтарышты. Ошондой эле туристтик жайлардын өзгөчөлүктөрүн түшүндүрүп, зарыл болгон учурда багыт көрсөтүп, көмөк көрсөтүштү.

Атап айтканда, Чүй ОИИББнын Милициянын кайгуул-күзөт кызмат полкунун туристтик-экологиялык взводунун кызматкерлери туристтер көп барган тарыхый-маданий аймактарда жеринен кызмат көрсөтүп, чет элдик конокторго ар тараптуу жардам беришүүдө.

Бул иштердин негизги максаты - чет элдик конокторго жагымдуу шарт түзүү, алардын коопсуздугун камсыздоо, кыргыз элинин улуттук баалуулуктарын жана маданий мурастарын кеңири таанытуу болуп саналат.


Чүй милициясы туристерге англис жана кытай тилдеринде жардам көрсөтүүдө
РУБРИКАДАГЫ СОҢКУ КАБАРЛАР
Архив
Комментарийлер (0)
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан