Келерки жылы Кыргызстанда бааларды турукташтырууга 5 миллиард сом бөлүү болжолдонууда. Бул тууралуу бүгүн, 17-ноябрда министрлер кабинетинин төрагасы Адылбек Касымалиев Жогорку Кеңештин Финансы, бюджет, ишкердик жана атаандаштыкты өнүктүрүү комитетинин кеңейтилген отурумунда билдирди.
"2027-жылы бааларды турукташтырууга 5 миллиард сом, Турукташтыруу фондуна 20 миллиард сом каралууда. Ички дүң продукциянын көлөмү 2 триллион 736 миллиард сомдон ашат деп болжолдоп жатабыз. Консолидацияланган бюджеттин жалпы көлөмү 1 триллион 53 миллиард сомго жетет деп пландалууда",- деди ал.