Кечээ, 18-ноябрда социалдык тармактарда Борбордук Америкадагы Гватемалада тартылган өзгөчө жаныбарлардын видеосу тарады.
Кадрларда узун куйруктары жана созулган тумшуктары менен кичинекей динозаврларды элестеткен коатилерди байкоого болот.
Коатилер топ болуп жашап, азыгын бирге издешет. Узун тумшугу жыт сезүүгө жакшы ыңгайлашкан. Алар курт-кумурскалар, мөмө-жемиштер, майда жаныбарлар жана жумурткалар менен азыктанышат. Басканда узун куйругун көбүнчө тик кармашат.