Бүгүн, 21-ноябрда Аскер прокуратурасы тарабынан кармалган Куралдуу Күчтөрүнүн абадан кол салуудан коргонуу күчтөрүнүн мурдагы командири Кылычбек Айдаралиев жана авиабаза (№ 23565 аскер бөлүгү) мурдагы командири Данияр Давитахунов 19-декабрга чейин камакка алынды. Бул туурлуу Биринчи Май раондук сотунун басма сөз кызматы билдирди.
Маалыматка ылайык, алар Кылмыш-жаза кодексинин 401-беренесинин 3-бөлүгү (Учуу же ага даярдануу эрежелерин бузуу) боюнча айыпталууда.
Эске салсак, 2024-жылдын январь айында Ми-8 үлгүсүндөгү аскердик тик учак кулап, кырсыктан бир аскер кызматкери каза болуп, дагы 10 адам жабыркаган.