Ош. Мэрия тарабынан ден соолугунун мүмкүнчүлүгү чектелген жарандардын медициналык кароодон өтүүсү үчүн каражат берилди

Ош шаарынын вице-мэри Жапарбек Ормонов бүгүн, 3-декабрда Ден соолугунун мүмкүнчүлүгү чектелгендердин эл аралык күнүн белгилөө иш-чараларынын жүрүшүндө угуусу жана көрүүсү начар жарандар үчүн иш алып барган “Дыйкан” окуу борборунда болду. Вице-мэр аларга акчалай сыйлыктарды тапшырып, бекем ден соолук каалады. Бул тууралуу мэриядан кабарлашты.

Маалыматка ылайык, ал андан тышкары Кирпичный кичи районунда жашаган Таттыгул Куттубековдун (II топтогу майып) жана Гульэра Караеванын (I топтогу майып) абалы менен таанышып, алардын медициналык кароодон өтүүсү үчүн акчалай сыйлык тапшырды.

Кошумчалай кетсек, Кыргызстанда бүгүнкү күндө 151 миңден ашык ден соолугунун мүмкүнчүлүгү чектелген жаран бар. Ош шаарында болсо социалдык коргоого алынгандардын саны 7445ти түзөт.

Автор: Максат Кудайбердиев
Фото: Мэриянын басма сөз кызматы