Жалал-Абад шаарындагы мекеме-ишканалардын арасында өз имараттарын жаңы жылдык маанайда кооздоо боюнча сынак өткөрүлөт

Жаңы жылга карата Жалал-Абад шаардык мэриясынын “Жаңы жыл майрамына даярдык көрүү жана өткөрүү жөнүндөгү” буйругуна ылайык, шаар аймагында жайгашкан мекеме-ишканалардын арасында өз имараттарын жаңы жылдык маанайда кооздоо боюнча сынак өткөрүлөт. Бул сынакта көрнөк-жарнактардын мазмунуна, кооздугуна көңүл бөлүнүп, тартылган сүрөттөрдүн эстетикалык табити, кооздуктарына баа берилет. Бул тууралуу бүгүн, 17-декабрда мэриянын басма сөз кызматы маалымдады.

Маалыматка ылайык, шаар аймагына жаңы жылдык маанай тартуулоо жана имараттардын сырткы көрүнүшүн жакшыртуу максатында жарыяланган сынактын жеңүүчүлөрүнө атайын белектер, акчалай сыйлыктар каралган.

Автор: Максат Кудайбердиев
Фото: Интернеттен алынды