Бишкек мэриясы: Төрт миңден ашык үй-бүлө көмүр менен камсыз болду

Бишкек мэриясынын басма сөз кызматы 17-декабрда Социалдык өнүктүрүү башкармалыгына шилтеме берүү менен төрт миңден ашык үй-бүлө көмүр менен камсыз болгонун маалымдады.

Белгилүү болгондой, 2014-2015-жылга 4151 үй-бүлө көмүр менен камсыз болушту. Көмүр жарды үй-бүлөлөргө, мамлекеттик жөлөк пул алгандарга, жалгыз бой энелерге, ден соолугунун мүмкүнчүлүгү чектелген адамдарга, Баатыр энелерге, 7-Апрель окуясынан жабыр тарткандарга, жетимдерге жана жалгыз бой пенсионерлерге таратылып берилди. Айта кетсек, социалдык норма боюнча бир үй-бүлөгө 1,5 тонна көмүр бөлүнүп берилди.

Автор: Айпери Ганыжан кызы