"Отставкага кетүүгө арыз жазган жокмун" деди Жоомарт Оторбаев

Премьер-министр Жоомарт Оторбаев 2015-жылы өтүүчү парламенттик шайлоого катышары же катышпасы тууралуу чечим чыгара элек. Муну өкмөт жетекчиси 20-январда журналисттер менен жолугушууда билдирди. Өзүнүн саясатка аралашуусун Оторбаев төмөнкүчө түшүндүрдү:

"Өлкөнүн өнүгүшүнө өз салымымды кошоюн деп саясатка келдим. Ушуга таянып чечим кабыл алам, азыр биздин башкы максат - демократияны өнүктүрүү",- деди премьер.

Өкмөт башчы кызматтан кетүүгө арыз жазбаганын да айтып: "Айрым маалыматтарда айтылгандай, мен отставкага кетүүгө арыз жазган эмесмин. Өкмөттүн кандай иштеп жатканына эл өз баасын берет",- деп билдирди.

Автор: Автандил Добулбеков