Жогорку Кеңештин комитети бир катар мыйзамдарды күчүн жоготту деп табуу боюнча мыйзам долбоорун 2-окууда жактырды

"КРнын айрым мыйзам актыларын күчүн жоготту деп эсептөө жөнүндө” мыйзам долбоорун Жогорку Кеңештин Адам укуктары, конституциялык мыйзамдар жана мамлекеттик түзүлүш комитети 20-январдагы жыйынында 2-окууда жактырды. Ага ылайык, колдонуудан чыккан 11 мыйзамды жаңы кабыл алынып жаткан мыйзам актыларына карама-каршылыктарды жаратпашы үчүн күчүн жоготту деп табуу сунушталган. Мыйзам долбооруна 2-окууга чейин жазуу жана оозеки түрүндө сунуш түшпөгөнү айтылды.

Юстиция министрлигинин өкүлү актуалдуулугун жоготуп, колдонуудан чыккан мыйзамдардын топтому даярдалып жатканын билдирди.

Автор: Жамалидин Парманкулов