Парламент коомдук жайларда курал саткан дүкөндөрдү жабуу демилгесин 1-окууда добуш берүүгө жөнөттү

Коомдук жайларда курал саткан юридикалык жактардын ишин жөнгө салууга багытталган мыйзам долбоору 21-январда Жогорку Кеңеште каралып жатат. Демилге билим берүү мекемелеринде, тамактануу жайларында, мамлекеттик органдар жана жергиликтүү өз алдынча башкаруу органдары жайгашкан имараттардын жанында курал саткан дүкөндөрдү жабууга багытталат. Ички иштер министринин орун басары Рыскулбек Жапаркулов курал сатуу коррупциялык кесепеттерге жол ачарын, мамлекетке кошумча чыгым алып келерин айтты. Жыйынтыгында демилге 1-окууда добуш берүүгө жиберилди.

Автор: Жамалидин Парманкулов