Кайрылман статусун алгандарга кандай жеңилдиктер бар экени айтылды

Кыргызстанга көчүп келишкен этникалык кыргыздарды жана алардын жазуу жүзүндөгү өтүнүчтөрүн кабыл алуу Эмгек, миграция жана жаштар министрлигинин аймактык бөлүмдөрүндө ишке ашууда. Министрлик этникалык кыргыздарга кайрылман статусун берүү 2010-жылдан бери жүргүзүлүп келгенин, алардын кайрылман экенин тастыктоочу документ акысыз берилип жатканын билдирет. Аларга төмөнкүдөй жеңилдиктер каралган:

- Мектепке чейинки мекемелерде, мектепте орундар, жогорку жана кесиптик техникалык окуу жайларынан атайын бөлүнгөн квоталар;

- Кыргызстандын жарандары менен бирдей деңгээлде медициналык кызмат көрсөтүү;

- Ишке орношуусуна көмөктөшүү;

- Социалдык жана пенсиялык камсыздоо;

- Жер тилкелерин алууга жана турак жай курууга ссуда берүү;

- Кыргызстандын жарандыгын алуудагы жеңилдик (3 айда алууга мүмкүн экени айтылды).

Автор: Автандил Добулбеков