Депутаттар электр энергиясынын тарифтерин кайра карап чыгууну сунушташууда

Парламент депутаты Дастан Жумабеков электр энергиясынын тарифтерин кайра карап чыгууну сунуштоодо. Жогорку Кеңештин 22-январдагы жыйынында депутат: "Жарандар электр энергиясынын баасынын көтөрүлүшүнө күнөөлүү чиновниктер эмне үчүн жазаланбай жатканын сурашууда. Эмне үчүн айрым чиновниктердин шалаакылыгынын айынан бүгүн биз свет үчүн 2 сом 5 тыйындан төлөшүбүз керек? Президент тарифтерди төмөндөтүү боюнча өкмөткө тапшырма берди. Маселе качан чечилет? Качан чиновниктер элди алдаганын токтотушат?"- деди.

Жумабеков 15-январда Таласта тарифтердин жогорулашына каршы митинг өткөнүн эскертти.

Автор: Автандил Добулбеков