Сауд Арабия падышасынын сөөгү жерге берилди

Падышанын сөөгү өлкө борборундагы шаардык Аль-Ауд күмбөзүнө жерге берилди.

2005-жылы бийликке келген Сауд Арабиянын 6-падышасы Абдулла Сауд Арабия королдугун түптөгөн Абдель-Азиз королдун отуз жети уулунун он үчүнчүсү болгон.

22-январда 91 жашында каза болгон Сауд Арабиянын падышасы Абдулла бин Абдель Азиз аль-Сауддун сөөгү 23-январда жерге берилди. Коштошуу зыйнаты Эр-Рияд шаарындагы мечиттердин биринде өтүп, падышанын сөөгү өлкө калаасындагы Аль-Ауд күмбөзүнө коюлду. Аны акыркы сапарга узатуу иш-чарасына бир катар мусулман мамлекеттердин башчылары, АКШ делегациясы жана миңдеген жергиликтүү тургундар катышышты.

Маалыматка таянсак, падыша Абдулла менен расмий коштошуу зыйнаты 24-январда өтмөкчү. Ага Орусиянын өкмөт башчысы Дмитрий Медведев да катышары күтүлүүдө.

2005-жылы бийликке келген Абдулла акыркы айларда өпкөнүн сезгенүү илдетине чалдыгып, ооруканада дарыланып келген. Ага бир нече жолу операцияны жасалганы маалымдалды.

23-январда анын 79 жаштагы иниси, такка отурган жаңы падыша Салман ибн Абдул-Азиз аль-Сауд ант берди.

Автор: Жамалидин Парманкулов