Алмазбек Атамбаев Индия президентин Республика күнү менен куттуктады

Мамлекет башчы Алмазбек Атамбаев бүгүн, 26-январда Индиянын улуттук майрамы - Республика күнү менен аталган өлкөнүн президенти Пранаб Мукержини куттуктады. "Кыргызстан-Индия мамилелеринин жана өз ара пайдалуу кызматташтыктын өнүгүү динамикасын белгилөө менен эки тараптуу өнөктөштүк мамилелерди мындан ары да бекемдөөгө даяр экенибизди ырастайм",- деп айтылат куттуктоодо.

Алмазбек Атамбаев Индиянын президентине ден соолук жана мамлекеттик ишмердүүлүгүнө ийгилик, Индиянын элине жыргалчылык жана гүлдөп-өнүгүү каалады.

Автор: Автандил Добулбеков