Бишкекте "Кумтөр" боюнча сүйлөшүүлөрдүн акыркы этабы өтүүдө

Бишкекте 27-январда "Кумтөр" боюнча канадалык тарап менен сүйлөшүүлөр уланды. Жолугушууга премьер-министр Жоомарт Оторбаев, министрликтердин, "Кыргыз алтын" ишканасынын, "Центерра" компаниясынын өкүлдөрү жана эл аралык консультанттар катышты.

Сүйлөшүүдө "Кумтөр" долбоорун кайра түзүмдөштүрүү долбоорундагы кайчы пикирлер боюнча макулдашууга келүү, жаңы түзүлчү ишкананы корпоративдик башкаруу, анын каржылык-экономикалык негиздерин тактоо, экологиялык маселелерди чечүү аракеттери жүрүп жатат. Сүйлөшүүлөр 29-январга чейин уланат.

Өкмөт бул жолугушуу сүйлөшүүлөрдүн акыркы этабы экенин билдирүүдө.

Автор: Автандил Добулбеков