Каржы министрлиги: 2014-жылы дем берүүчү гранттар 395 миллион сомго каржыланды

Кыргызстандын 2014-жылкы республикалык бюджети жөнүндө мыйзамында "дем берүүчү (үлүштүк) гранттар" беренеси боюнча 400 миллион сом каралган. Каржы министрлиги билдиргендей, 2014-жылы 309 долбоорду ишке ашырууга республикалык бюджеттен дем берүүчү гранттардын эсебинен 395 миллион 700 миң сом жумшалды.

	Категориялар	2015-жылдын 1-январына карата
	Категориялар	Объекттердин саны	Бөлүнгөн акчалар
1	Мектептер	138	175 миллион 100 миң сом
2	Бала бакчалар	62	89 миллион 300 миң сом
3	Маданият багытындагы объекттер	26	32 миллион 100 сом
4	Спорт багытындагы объекттер	23	26 миллион 600 сом
5	Саламаттык сактоо объекттери	7	6 миллион 400 сом
6	Инженердик-коммуникациялык инфраструктура объекттери	31	43 миллион 500 миң сом
7	Административдик багыттагы объекттер жана башкалар	22	22 миллион 700 миң сом
	Бардыгы	309	395 миллион 700 миң сом

Үлүштүк гранттар – бюджеттик каражаттарды, мамлекеттик приоритеттүү программалар жана долбоорлор боюнча каражаттарды майнаптуу чыгымдоого дем берүү, жергиликтүү бюджеттердин кирешелерин көбөйтүү жана жергиликтүү киреше булактарын толугураак мобилизациялоо максатында республикалык бюджеттен жергиликтүү өз алдынча башкаруу органдарына берилүүчү трансферттер.

Автор: Автандил Добулбеков