Тайырбек Сарпашев Донецк жана Луганскка байланыштуу айткан сөзү үчүн бүгүн парламентте түшүндүрмө берет

Бүгүн, 5-февралда биринчи вице-премьер-министр Тайырбек Сарпашев "Кара-Суу жана Араван райондорун Донецк менен Луганскка салыштырды" деген доомат боюнча Жогорку Кеңешке келип, депутаттарга түшүндүрмө берет. Муну вице-спикер Төрөбай Зулпукаров парламенттин 5-февралдагы жыйынында билдирди. Айта кетсек, Жогорку Кеңештин 4-5-февралдагы жыйындарында депутаттар Сарпашев 2-февралда Кара-Суу жана Араван райондорун Украинанын Луганск менен Донецк Элдик Республикаларына салыштырып, туура эмес саясат жүргүзүп жатканын айтышып, бул маселе боюнча түшүндүрмө берүүсүн талап кылышкан.

Автор: Жамалидин Парманкулов