Абдимуктар Маматов, депутат: “Ооба, бензиндин 1 литри заводдон 27 сомдон сатылып алынат”

Кыргызстандын мунай ташуучулары бензиндин 1 литрин заводдон 27 сомдон сатып алат. Муну парламенттин 5-февралдагы жыйынында депутат Абдимуктар Маматов билдирип, “бензиндин баалары негизсиз кымбаттап жатат” деген пикирлер туура эмес экенин кошумчалады. “Бензинди айдоочуларга сатууга чейинки чыгымдар бар. Алар: өлкөдөгү темир жол кызматына төлөм, кошумча нарк салыгы, бажы кызматынын төлөмү жана башка. Мунай ташуучулар бензиндин бааларына 3-5 пайыз гана кошот. Анын үстүнө бааны өкмөткө караштуу Монополияга каршы жөнгө салуу агенттиги текшерип турат”,- деди депутат.

Кошумчалай кетсек, Бишкекте учурда бензиндин баалары төмөнкүдөй болууда:

АИ-95 - 43 сом

АИ-92 - 39 сом 30 тыйын

АИ-80 - 31 сом

дизель майы - 32 сом

Айрым май куюучу жайларда:

АИ-95 - 44 сом

АИ-92 - 44 сом 40 тыйын

АИ-80 - 32 сом

дизель майы - 34 сом 50 тыйын

Автор: Автандил Добулбеков