Жогорку Кеңеш "Чек ара ыйгарым укуктуулары жөнүндө" мыйзам долбоорунун макулдашылган вариантын кабыл алды

Жогорку Кеңештин 5-февралдагы жыйынында "Чек ара ыйгарым укуктуулары жөнүндө" мыйзамдын макулдашылган долбоору кабыл алынды. Документке 104 депутат "макул", 2 депутат "каршы" деп добуш берди.

Эскерте кетсек, 2014-жылдын 8-октябрында Жогорку Кеңеш тарабынан кабыл алынган "Чек ара ыйгарым укуктуулары жөнүндө" КРнын мыйзамына президент Алмазбек Атамбаев 22-ноябрда каршы пикир билдирген эле. Андан кийин макулдашуу тобу түзүлүп, президенттин каршы пикиринде айтылган кемчиликтердин үстүндө иштешкен. Андан кийин мыйзам долбоору кайрадан парламентке киргизилген.

Автор: Автандил Добулбеков