КТРКнын башкы директорунун милдетин аткаруучу болуп Илим Карыпбеков шайланды

КТРКнын башкы директорунун убактылуу милдетин аткаруучу болуп Илим Карыпбеков шайланды. Бул тууралуу бүгүн, 6-февралда КТРКнын башкаруучу органы болгон Байкоочу кеңештин мүчөсү Фархад Бекмамбетов билдирди.

Эске салсак, Коомдук каналдын башкы директору Султан Жумагулов кызматтан кетүү боюнча арыз жазган. Байкоочу кеңеш бүгүн арызды жабык эшик артында өткөн кезексиз жыйында карады.

Илим Карыпбеков 35 жашта. Кыргыз улуттук университетинин юридика факультетин, 2005-2007-жылдары Варшавадагы адам укуктары боюнча жогорку мектепти аяктаган. Учурда Юридикалык академияда, Борбор Азиядагы Америка университетинде, ошондой эле КРнын Президентинин алдындагы Башкаруу академиясында окутуучу. "Медиа полиси" коомдук уюмунун негиздөөчүсү. 2009-2010-жылдары президенттин катчылыгында референт, андан соң коомчулук менен байланыш кызматын жетектеген. Кийин "Альфа Телекомдун" тышкы башкаруучусу болгон жана "Де-факто" гезитинин кожоюну, "Манас" аэропортунун Бишкектеги филиалынын директору кызматын аркалаган. КТРКнын Байкоочу кеңешинин төрагасы.

Автор: Айпери Ганыжан кызы