"Баламды күйөөмдөн сатып алган аял уулумду бербей качып жүрөт" дейт Токтогул районунун тургуну

Бүгүн, 14-майда SUPER.KG порталына Токтогул районунун Анара Назаркулова аттуу тургуну кайрылып, баласын күйөөсүнөн сатып алган аял уулун бербей качып жүргөнүн айтты.

“Балам Нурэл Койчуманов 2013-жылы 3-июлда төрөлгөн. 2014-жылы 19-апрелде баламды өз апама таштап, Орусияга иштегени кеткем. Кийин күйөөм “баланы Бишкектеги карындашым багат” деп апамдан алып кеткен экен. Ага телефон чалып, баламды сурасам ар шылтоону айтып жүрдү. Санаам чыдабай 17-апрелде Бишкекке келип, кайниме жолуктум. Ал баланы көлдүк аял багып жүргөнүн айтты. Аялдын иштеген жерине барсам, “баланы күйөөңдөн 50 миң сомдон көп акчага сатып алгам” деп койду. Күйөөм болсо “ал жөн эле бала багуучу болчу” деп жатат.

Бул боюнча Аламүдүн райондук ички иштер бөлүмүнө кайрылдым. Алар аялды таап, түшүнүк кат алышканда көрсөтмөсүн өзгөртүп, “баланы сатып албай эле, жөн эле багып жүргөм” деп, баланы соттун чечиминен кийин берерин айтыптыр. Мындан улам аталган райондун ички иштер бөлүмү ишти жаап, прокуратурага өткөргөн экен. Ал жакка барсам сотко барыңыз дешти. Учурда баламды багып жүргөн аялдын дайыны жок. Мурда жашаган жеринен көчүп кетиптир. Тиги аял бала багуучу болсо, эмнеге өз баламды бербей качып жүрөт? Эмне кыларымды да билбей калдым”,- дейт Анара Назаркулова.

Автор: Бекжан Рыскулов

17:40 14-05-2015

Жазылуу

РУБРИКАДАГЫ СОҢКУ КАБАРЛАР

02:15 2025-05-16 | Түркүн дүйнө

Трампты БАЭде "Халижи" аттуу чач бийин аткарган кыздар тосуп алышкан (видео) 636 0

00:36 2025-05-16 | Түркүн дүйнө

Франция Иранды Эл аралык сотко берет 509 0

00:31 2025-05-16 | Түркүн дүйнө

Индия менен Пакистан ок атышпоо келишимин узартышты 413 0

00:07 2025-05-16 | Түркүн дүйнө

Зеленский: "Путинди издеп дүйнө кезип чуркай албайбыз" 1292 0

23:48 2025-05-15 | Саясат

Бүгүн бир катар кызмат жетекчиликтеринде орун алмашуу болду 859 0

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 655 0

Архив

Комментарийлер (10)

Bektur2

2015-05-14 17:57:48

Куйон сатып эле жиберген го созу эки болуп жатат жулуп эле алсан болмок баланды сатып алгам десе эле кетип калбай.

ENGELSA

2015-05-14 18:18:17

куйонуздун башына балка менен бир чаап айланпаш башын чирик баш еле кылып койчуудай екен

12.12.12

2015-05-14 18:29:16

Эже, 1-сатып жиберген күйөөңүздүн үстүнөн арыз жазыныз. 2- "Баланы сатып алдым" деген аялдын үстүнөн арыз жазып, кайрадан ишти тергөөгө өткөрүнүз. Алар сизге аялды жерден болсо да таап келишет. Сиз издеп убара болуп не кыласыз?. 3- Сиз баланын энеси болгондуктан, ал аял сиздин баланызды уурдап кеткенге барабар. Ошондуктан тездетиниз. Ал дагы башка бироого сатып жибербесин.

Jyrgal_msk

2015-05-14 20:58:30

12.12.12, Жазбай койду дейсинби?Органда иштегендер тигиге бар,буга бар деп кыйнап жатса...Аламудун ИИБине барганда эле издоо жургузсо болот эле го...

sarishka

2015-05-15 05:03:41

Degi kandai zaman bolup baratat.
Kuiosu jindigo soo emes soo kishi kantip balasun satat,kuiosunun ustunon aruz jazushu kerek bala satuu berenesi menen sottosh kerek akmakti.
Ooo kudai degi adamdarga uiman bere kor,

kumushai-kg

2015-05-15 11:27:37

Башкалардында колуу бар болуш керек андай мындай деген дерине караганда!

uulay

2015-05-15 12:29:29

Эх ушул биздин сот системасы! Атана бар,энене бар деп жаткандыр да. Эр сорой чындап эле сатып жиберген окшойт го,акмак экен.

AFRODITA-89

2015-05-15 12:44:02

байкуш эженин абалы оор экен кимге баараын кимден жардам сураарын билбей ататда баланы эптеп таап таштабай журунуз чогу болгонго эч нерсе жетпейт! Супер инфо гезити прокуратура болуп калгандайго ар ким арызданып, даттанып дегендей соттор жакшы иштесе мындай болмок эмес окуп алып оздоруда уялаттыр биздин иш бул жакта неге журот деп

meli12

2015-05-15 13:04:58

Эч качан балдарды чон апа же таэнеси бакпаш керек ата эне гана тарбиялаш керек. Кыргыздар кобунчо бироого бактыртып коюшат кийин алар отверженный болуп осушот анан уялчаак, менин колуман эчтеке кельейт ж.б низкаясамооценка калыптанат. бул аял да туура эмес кылды тыштап кетпеш керек болчу. ооба кор оокаттвн айынан дечи бирок кандай гана жагдай болбосун эне бала бир болуш керек.

_PeriWa_

2015-05-16 13:07:20

Аларды издеп таап эки уч аял менен колунан жулуп алып келе бериниз баланызды ал сиздин баланыз го акысы да жок анын бакканы тиги сойрук куйоонуз башы жок экен оз баласын бироого карматкан

Комментарий калтыруу үчүн өз ысымыңыз менен кириңиз же каттоодон өтүңүз.