Мектеп бүтүрүүчүлөрүнөн акча сураган милициянын видеосу тарады

Бүгүн, 26-июнда белгисиз милиция кызматкерлеринин бүтүрүүчүлөрдөн акча талап кылып жаткан видеосу тарады. Жарыяланган видеодо милиция менен бүтүрүүчүлөрдүн ортосунда өз ара соодалашуу жүргүзүлөт. Андан жарандык кийимчен жана формачан бирөөлөр экинчи тарап менен "ар бир унаа үчүн 200 сомдон акча чогулткула, болбосо унааңарды айып төлөөчү жайга койсок мамлекетке 2000 сомдон айып пул төлөйсүңөр" деп сүйлөшүп жатышканын угууга болот.

SUPER.KG порталы окуянын Талас облусуна караштуу Бакай-Ата районунун борборунда катталгандыгын аныктады. Ошондой эле Талас ОИИБинин маалымат катчысы Динара Сарногоева видео тууралуу жетекчиликке билдиргенин жана териштирүү башталгандыгын маалымдады.

“Азырынча бүтүрүүчүлөрдөн акча талап кылган кызматкердин ким экендиги бизге белгисиз. Бирок окуя Бакай-Ата районунда болгондугу анык. Жетекчиликке окуяны билдирдим жана бул боюнча өздүк коопсуздук кызматы иликтөө жүргүзүп баштады. Жакынкы күндөрү окуянын себептери боюнча толук маалымат беребиз”, - деди Сарногоева.

Кошумчалай кетсек, 24-июнда Ош шаарында мектеп окуучулары үйлөнүү үлпөт тойлорунда ижарага берилген Мерседес-Бенц-Гелендваген үлгүсүндөгү унааны алышып, жол кырсыгына кабылышкан. Акыркы маалыматтар боюнча кырсыкка кабылган окуучулардын биринин абалы оор.

Бүтүрүүчүлөрдөн 200 сомдон сураган милиция

Автор: Илязбек Балташев

18:19 26-06-2017

Жазылуу

РУБРИКАДАГЫ СОҢКУ КАБАРЛАР

13:50 2025-06-22 | Коом жана турмуш

Кандуу согуш... 1941 -жылы 22-июнда Улуу Ата Мекендик согуш башталган 110 0

13:25 2025-06-22 | Маданият, шоу-бизнес

Актан Арым Кубаттын тасмасы Кытайдагы кинофестивалда баш байгени утту (видео) 160 0

12:48 2025-06-22 | Саясат

Ташиев Ысык-Көлдөгү жыйында Чоң-Сары-Ой айыл өкмөт башчысын катуу зекиди (видео) 708 0

11:59 2025-06-22 | Түркүн дүйнө

АКШнын соккусунан кийин Иран Израилге чабуулун баштады (видео) 1921 0

11:25 2025-06-22 | Коом жана турмуш

Жалал-Абад шаарына 5200 орундуу спорт сарайынын курулушу башталды 562 0

11:01 2025-06-22 | Коом жана турмуш

Ошто негизги көчөлөрдүн бирине кайрадан асфальт басылып, пайдаланууга берилди 610 0

Архив

Комментарийлер (5)

raykray

2017-06-26 19:36:38

Позор

aibars

2017-06-26 20:09:37

Бул шумпайларды тааныйм. Карышкырлар десе

sarbo

2017-06-27 00:02:19

200 сомго тагдыр чечилиптир да байкуш милиционер!! дагы настроениенерди бузбайлы деп коюшат. озунордуку бузулуп жатканын билбегенсинер да шумшуктор.

aldiyar97

2017-06-27 01:56:32

Ырас тартып алган, откондо дагы бакай ата ооруканасынан тамынарды страховка кылгыла деп, кыйнаганы чыккан эле супер инфого. Ошондон кийин сраазу токтоп калган эми буларга дагы чара коруш керек. Коллегаларына улгуу болот

dina1983-19

2017-06-27 03:48:51

Булар гаишниктер эмес участковый милициялар окшойтда формачандын значогу көрүнбөйтго.

Комментарий калтыруу үчүн өз ысымыңыз менен кириңиз же каттоодон өтүңүз.