Балыкчынын төрөтканасы "эгиз баламдын бирин дарыгерлер бербей" койду деген жарандын түшүнүк катын жарыялады

"Эгиз төрөлгөн кыздарымдын бирин ооруканадан бербей коюшту", - деген күмөн менен УКМКга кат жазган Балыкчы шаарынын тургунунун окуясы боюнча шаардык оорукана жооп берди. SUPER.KG порталына Балыкчы шаардык ооруканасынын акушер-гинекологу Тилек Айдыралиева буларды айтат:

"Төрөлгөн ымыркайдын энеси Махабат Намазбекова кош бойлуу кезинде УЗИге түшкөндө аппарат түйүлдүктү 2 кылып көрсөткөнү чындык. Бирок бул бардык эле учурда эгиз болуп чыгат дегенди түшүндүрбөйт. Эненин жатынында суу көп болгондо түйүлдүк чагылышып, аны экөө кылып көрсөтүшү ыктымал. Муну "суу эгиз" деп коёт. Төрөткананын врач-акушери Б.Абдиев Намазбекованы кароого алып, курсактагы баласы телки, бирөө эле экенин аныктаган. Абдиевге кошумча врачтар Тилек Айдыралиева, Ч.Эркимбаевалар да энени текшерүүгө алышып, ичинен 1 гана баланын жүрөгү сокконун тастыкташкан.

6-июнь күнү эне табигый жол менен төрөй албагандыктан аны операция жолу менен төрөтүүгө туура келди. Наркоз жалпы эмес, жүлүнгө сайылгандыктан Намазбекова операция процессин сезип эле турган. Операциядан кийин врачтар эненин ичинен 3 килограмм 250 грамм салмактагы ымыркай кызды алып чыгышты. Бала энеге көрсөтүлгөн, андан соң атасына да көрсөткөнбүз", - дейт Айдыралиева.

Администрациядан билдиргендей, Махабат Намазбекованын жолдошу Данияр Чыбыевге келинчегинин төрөтү оор болорун эскертип, Каракол шаарына алып барууну сунушташкан. Бирок Чыбыев жана Намазбекова Балыкчыдан эле төрөттү кабыл алууларын өтүнүшүп, "доо артпайбыз" деп тил кат жазып беришкен. Учурда бул иш боюнча министрликтен түзүлгөн комиссия Балыкчы шаардык ооруканасын текшерүүгө алууда.

Эскерте кетсек, ушул жылдын 6-июнь күнү Балыкчы шаардык ооруканасынын төрөт бөлүмүндө көз жарган эне түйүлдүктү эгиз деп болжоп, телки бала төрөгөнүнө ишенбөөчүлүк кылган. Анын жолдошу Данияр Чыбыев 12-июнда арыз менен УКМКга кайрылган. Арыз УКМК тарабынан бир жуманын ичинде каралып, Каракол шаардык прокуратурасына жөнөтүлгөн.

Автор: Гүлжан Асанкожоева

17:46 29-06-2017

Жазылуу

РУБРИКАДАГЫ СОҢКУ КАБАРЛАР

11:25 2025-06-22 | Коом жана турмуш

Жалал-Абад шаарына 5200 орундуу спорт сарайынын курулушу башталды 214 0

11:01 2025-06-22 | Коом жана турмуш

Ошто негизги көчөлөрдүн бирине кайрадан асфальт басылып, пайдаланууга берилди 280 0

10:47 2025-06-22 | Түркүн дүйнө

Иран АКШны БУУнун уставын жана эл аралык мыйзамдарды бузду деп айтыптады 728 0

10:06 2025-06-22 | Спорт

Мыктыбек Оролбай уулу UFCде үчүнчү жеңишине жетти (видео) 716 1

09:41 2025-06-22 | Түркүн дүйнө

Иран АКШнын соккулары боюнча билдирди 1980 0

09:28 2025-06-22 | Түркүн дүйнө

АКШнын аба күчтөрү Ирандын үч өзөктүк объектисин талкалады. Трамп эмне дейт? 1617 0

Архив

Комментарийлер (8)

Adil706070

2017-06-29 17:48:25

Балыкчы

Patriot7

2017-06-29 18:14:12

Врачтар бардык жерде озун страховка кылуу учун операцияга чейин эле, оорулуунун жакындарынан тушунук кат жаздырып алуу модага айланган, айрыкча торотканаларда. Так что бул тушунук кат операцияга/бала торотууго чейин жаздырылып алынган тушунук кат экенинен эч шегим жок. Негизи врачтар мындай тушунук кат жаздырып алуудан уялышы керек!!!

Мен врачтарга ишенбедим, 8 жолу УЗИге тушкону чын болсо, аял курсагындагы бала 6-7 айлыгында да тушкон чыгаар, бул учурда УЗИнин адашуусу дээрлик мумк

Patriot7

2017-06-29 18:14:50

дээрлик мумкун эмес!

Eldico

2017-06-29 19:52:47

Patriot7, Патриот! Экинчи катында "Келинчегим Намазбекова Махабатты алып кетип атам" - деп чыгаарында жазыптыр.

-1

mawa.32

2017-06-29 18:21:27

Телки деген эмне?

-3

aibars

2017-06-29 18:29:09

mawa.32, Эгиз кутуп журуп бирок бир ( кыз, же уул ) баланын торолушу.

raykray

2017-06-30 13:35:54

Мен ишенбейм бироону торогону чын! тем более местный наркоз бериптир ОЗУ коруптур торолору мн энесине корсотуптур! Кудайдын бергенине сабыр кылгылада жазасы болсо созсуз алышат олом дебей атасы?! Кудай буйурса эгиз торойт деп журуш кк узиден кордум эгиз торойт созсуз дебей!!! Врачтарда кукукэнелер тороп таштап кетип аткан балдар толтура и так

love_you

2017-07-02 14:08:59

суу эгиз дегенди тим эле элди жинди ойлошконго. кантип эле суу баладай бп корунсун.

Комментарий калтыруу үчүн өз ысымыңыз менен кириңиз же каттоодон өтүңүз.