Греция менен Түркиянын деңиз жээктеринде күчтүү жер титирөө болду. Алдын ала маалыматтар боюнча 2 киши каза болуп, 100дөн ашык адам ооруканага түштү

Греция менен Түркиянын жээктерин бириктирип турган Эгей деңизинде күчтүү жер титирөө катталды. Бул тууралуу чет элдик маалымат булактары жазат. АКШнын Геологиялык кызматы маалымдагандай, зилзаланын күчү 6,7 баллга жеткен. Жер титирөөнүн аймагы Түркиянын Бодрум курорттук шаарынын түштүк-батышынын 10,3 чакырымынан Грециянын Кос аралынын 16,2 чакырым аралыгында катталган дешүүдө. Ал эми очогу болсо деңиздин 10 чакырым тереңдигинде орун алганы болжолдонду.

Европалык Жер Ортолук деңизи сейсмологиялык борбору маалымдагандай, жер титирөө жээктерден анча чоң эмес цунаминин пайда болушуна алып келген. Ошол себептен аталган борбор элди кумдуу жээктерден алыс жүрүүгө чакырды.

Маалыматтарда белгилүү болгондой, Грецияда жер титирөөнүн курмандыктарынын саны 2 адам. Дагы 100дөй адам ар кандай жаракаттарды алышкан. Ал эми Түркиянын Мугла шаарынын мэри Осман Гүрүн шаардын бир нече адамдары жаракаттар менен ооруканаларга түшкөнүн кабарлады. "Бизде бир нече адам ооруканага жаткырылды. Айрымдары катуу жер силкинүүдөн дүрбөлөңгө түшүп, бийик терезелерден секирип кетишкен. Кабат үйлөрдүн тепкичтерине кулап түшкөндөр да бар", - деген маалыматын жазат "РИА Новости". Ал эми жер титирөөнүн очогуна жакын жайгашкан Бодрум шаарында 70ке чукул адам ооруканага түшкөн.

Жер титирөө 20-июлдан 21-июлга караган түнү Түркиянын жергиликтүү сааты боюнча 01:31 чамасында болгон.

Автор: Гүлжан Асанкожоева
Фото: Интернеттен алынды

08:38 21-07-2017

Жазылуу

РУБРИКАДАГЫ СОҢКУ КАБАРЛАР

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 223 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 921 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 483 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 533 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1741 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 529 0

Архив

Комментарийлер (5)

Aman97kg

2017-07-21 08:55:28

Кудай сактасын

zz2013zz

2017-07-21 11:01:21

Табигый кырсыктан АЛЛАХым сактасын

saltanat.

2017-07-21 11:06:38

Жер титирөө түнкү 2 ден баштап болуп жатыптыр, азыр дагы болуп жатат дейт подружкам. Ал так гана ошол Бодрумда деңиз жээгинде эс алып жатышкан. Элдин баары паника, ыйлаган адамдар дейт. Азыр майда жер титирөө болуп жатат дейт. ((((

tynara81

2017-07-21 12:03:32

6-7 баллга аябай эле кыйраптыр го. Кудай сактасын! Кыргызстандын 80% жеринде 9 баллдан ашуун жер титирөө болушу күтүлөт дегенди окугандан бери жүрөгүм тынч эмес ((. Кудай сактасын! Тынччылык болсунчу!

sara91

2017-07-21 12:05:54

Аллах озу сактасын

Комментарий калтыруу үчүн өз ысымыңыз менен кириңиз же каттоодон өтүңүз.