Денесинин 85 пайызынан күйүк алган Исфандияр Бабашовдун жубайы: "Короого чыксам күйөөм күйүп жатыптыр" (абайлаңыз, сүрөт)

Исфандияр Бабашов балдары менен

Жети-Өгүз районунун Покровка айылынын тургуну 29 жаштагы Исфандияр Бабашов учурда кайрымдуу адамдардын жардамына муктаж. Анын денесинин 85 пайызы күйүп, учурда оор абалда Бишкек шаарындагы №4-оорукананын күйүк бөлүмүндө жатканын жубайы Элдана Таалайбекова SUPER.KG порталына билдирди.

Таалайбекованын айтымында, күтүлбөгөн кырсык 21-майда болгон.

"Исфандияр короодо койдун башын куйкалап жаткан. Ошол учурда паяльник атылып кетиптир. Бир убакта кыйкырган катуу үн чыкты. Мен сыртка чыксам, жолдошум күйүп жатыптыр, бир саамга катып туруп калдым. Үйдө эч ким жок эле, нес абалда эмне кылдым билбейм, айтор, өрттү өчүрүптүрмүн. Кайнагамды чакырып, кайнене-кайнаталарым менен дароо Жети-Өгүз райондук ооруканасына жеткирдик. Ал жерде жандандыруу бөлүмүндө 2 күн жатты. Андан соң абалы оор болгондуктан Бишкекке жөнөтүштү. Жолго 18 миң сом төлөп, дарыгерлер менен чогуу алып келдик", - деди Таалайбекова.

Айтымында, Исфандияр күйүп жатканда эле эсин жоготкон, учурда эсине келип аз-аздан сүйлөп жатат.

"Азыр да абалы абдан оор, тамак жей албайт, түтүк менен араң суу ичет. Дем ала албай калат, жасалма дем алдырууга туура келип жатат. Оорудан жаны аябай кыйналып жатат. Күн сайын кан, плазма, түрдүү дары-дармектер керектелип жатат. Күнүнө 10-15 миң сомго чейин каражат кетүүдө, дарыгерлер да абалыбызды түшүнүп айрым дары каражаттардан жардам бергени менен денеси терең күйгөндүгүнө байланыштуу өтө көп дары керек болууда", - деди ал.

Ошондой эле Таалайбекова күйөөсү дале эсине келе элек экенин, уктай албай, уктаса катуу чочуп ойгонуп, кан басымы көтөрүлүп жатканын кошумчалады.

"Учурда дарыгерлер күйүктөн кийинки биринчи дарылоо процессин гана жасап жатышат, Исфандияр нес абалдан чыгып, дем алуусу жакшыргандан кийин операция жасалышы керек экен. Бирок ага чейин дагы көп аракеттер көрүлүшү керек. Ооруканага келгенибизге 15 күндөй болуп калды, тууган, тааныштарыбыз жардам берди. Ошолордун жардамы менен ушуга чейинки дарыларын алып жатканбыз, эми жолдошумдун айыгып кетиши үчүн элден жардам суроого мажбур болдук. Экөөбүздүн 3 балабыз бар, аларды чоң ата, чоң энеси карап жатат. Мен күйөөмдүн жанында, өзүм да күнү-түнү уктай элекмин", - деди Элдана Таалайбекова.

Ал белгилегендей, паяльниктин жарылып кетүүсүнө аны көп үйлөтүп койгону себеп болушу мүмкүн. Исфандияр Бабашовго жардам берүүнү каалагандар агасы Бабашов Искендер Байышовичке байланышса болот. Элсом номери: 0708 26 64 80.

Исфандияр Бабашовдун жубайы Элдана Таалайбекованын байланыш номери: 0702 59 45 14.

Автор: Кызжибек Раимова

23:54 06-06-2018

Жазылуу

РУБРИКАДАГЫ СОҢКУ КАБАРЛАР

19:47 2025-06-17 | Саясат

Жазуучу Чыңгыз Айтматовдун кебин айтып... Садыр Жапаров Астанадагы саммитте эмне деди? 144 0

19:19 2025-06-17 | Түркүн дүйнө

Борбор Азиянын жарандары да бар... Ирандан 600дөн ашуун адам эвакуацияланды 202 0

18:58 2025-06-17 | Түркүн дүйнө

Иранда абактагы жардыруудан кийин соттолгондордун качкан видеосу тарады 936 0

18:31 2025-06-17 | Кылмыштар, кырсыктар

Кинофестивалга жарым жылаңач болуп барган блогер сөгүнгөнү үчүн 3 суткага камалды (видео) 1364 0

18:07 2025-06-17 | Түркүн дүйнө

Израил-Иран чатагы: Европа өлкөлөрү жарандарын эвакуациялай баштады 599 0

17:53 2025-06-17 | Саясат

Садыр Жапаров "Борбордук Азия – Кытай" саммитине катышууда 268 0

Архив

Комментарийлер (23)

Nanei

2018-06-06 14:52:39

Мумкунчулугу барлар жардам берип койбойсунарбы??? Келинчегинин телефону турат,жаман кыйналып жатат окшойт.

+24

Nanei

2018-06-06 14:53:10

Ушундай оор жаракат алгандарды Бекер эле даарылашса больойбу???

+28

Muratmipa

2018-06-07 00:19:08

Nanei,врачтар именно ушундай аламды кутуп олтурат сага эмне алар айлыкты кутот дейсинби

Nanei

2018-06-07 09:24:52

Muratmipa,мен врачтарды айтпайм,окмот акча болсо ушундай кырсык болуп калс,Кудай сактасын дечи,акча издетип шорлотпой ошол акчадан болунуп берет эле да,ансыз деле музейге таяктарды 600еврого сатып алышып жатышат.

mem77

2018-06-06 15:39:21

Аллахым шыпаасын берсин, балдары үчүн күчтүү турса экен, Кудайым, айыгып кетсин

kyrgyzstan00

2018-06-06 16:02:11

Москвада тааныштары жок бекен Сбербанктан эле которуп коймокпуз.Кечээ супер инфодогу келинге акча которо албай танышым а акча салсам ал Кыргызстандан которушту билбей жатышат.Анын устунон мекендештерим кобу Москвада го бул эми жеке оюм да.

+10

aiza16

2018-06-06 21:16:48

kyrgyzstan00,россияда кивиден элсомго которуу ынгайлуу экен. мен ошентип эле которуп атам.

Morskayazvezda

2018-06-07 01:06:39

aiza16,кантип которуп жатасыз бизге да айтып коюңузчу сураныч

kalima88

2018-06-07 01:54:35

kyrgyzstan00,эже , сизге купуя жазсам, жооп жазбадыңыз. Мен фонддун акчасынан котордум."Кокус, сиз да кошулат белеңиз" деп купуяңызга номеримди калтырдым эле.

moskoy

2018-06-06 16:09:35

Балдарынын бактысына куландан соо болуп айыгып кетсин.Депутаттын туугандары чучкуруп калса санавиация менен борборго алдырып даарылатышат.Ал эми карапайым калк олум алдында жатса да олчойгон жол кире толоп, силкилдетип машинада алып жоношот.Акыйкаттык кайда пайда батасы жок депутаттарды чиновниктерди багып журо беребизби .

ludimira

2018-06-06 16:15:46

Эххх,кырсык каш кабактын ортосунда

Amai

2018-06-06 16:24:09

Келгиле биртуган мусурман кыргыз элим жардам берели алла разычылыгы учун. 50 100 200 сомбу колдон келишинче жардам берели.элсом шоотундагы номерге акча салайлы.

tea23

2018-06-06 18:26:42

Келгиле чогулуп дуа кылгыла окуп аткандар дуанын таасири кучтуу ошого ишенелик.

tea23

2018-06-06 18:28:30

100мин стул алгандар онбогурлар мамлекеттин бюджетинде ошон учун аз болуп атат акча ушундай жардамга муктаж оорулууларга жетпей

AzKumFerDan

2018-06-06 20:52:28

Кудай ой шыпаа берегор пендене.

Nendi15

2018-06-07 00:20:38

Кытайдан келген паяльный лампаны иштетпей эле койгон жакшы. Негизи темири жука болот. Биздикилер билбей давлениясын коп кылып желдешип алат анан жарылат. Россияныкы эн жакшы.

naku5555

2018-06-07 00:34:18

Аллах шыпаасын берсин,балдарынын бактына айыгып кетсин.

Kroxa

2018-06-07 02:05:04

Чондорду карап отурбай колдон келгенин берели орозонун айы эмеспи битирди деле ушул окшогон зарыл адамдарга которуп койсок сообу тийет киши башына 30 же 50сомдон,,колунардан келгенин берсенер коп тукурсо кол болот сакайып кетсин ылайым..

Nurdinova

2018-06-07 08:40:15

Аллахым шыпаасын берсин сизге ылайым

Baktiiar1995

2018-06-07 14:05:39

Ооруган адамга караганда ооруну баккан көбүрөөк азап чегет. Жубайына саыр өзүнө шыпаа берсин жаратканым.

Комментарий калтыруу үчүн өз ысымыңыз менен кириңиз же каттоодон өтүңүз.