Күндүн кескин жылышынан жана арыктардын жоктугунан Ала-Тоо конушундагы турак жайларды суу каптады (фото)

Жол толугу менен бүткөрүлсө, атайын суу өтүүчү лотоктор орнотуларын жергиликтүү бийлик башчылары убада кылышууда. Бирок ага чейин кардын сууларынан пайда болгон селден жергиликтүү калк кантип сактанып турарын айтышкан жок.

Аталган конуштагы Ала-Тоо жана Бел-Мазар көчөлөрүнүн кесилишиндеги мындай көрүнүштүн дагы бир себеби, акыркы жылдары бул аймакта жаңыдан жол курулуп жаткандыктан, жол жээктерине азырынча арыктар салына электигин жергиликтүү бийлик өкүлдөрү айтышууда.

2015-жылдын 10-февралында Бишкек шаарынын четинде жайгашкан Ала-Тоо жаңы конушундагы чоң жолдун жээгине суу толуп, жашоочулардын турак жайларына чейин каптап кеткен. Мындай көрүнүш аба ырайынын кескин жылышынан улам болууда. Бул тууралуу ӨКМнын басма сөз кызматы билдирди.

Жергиликтүү жашоочуларга тоскоолдуктар жаралганда, алар Өзгөчө кырдаалдар министрлигинин адистерин жардамга чакырышкан. Окуяны жеринен иликтөө учурунда мындагы суулардын толушу тургундардын өздөрүнүн көңүл бурбастыгынан улам келип чыкканы маалым болду. Андан сырткары кыш бою эшик алдыларынан тазаланган карлар бир жерге үйүлүп, эшик алдыларында арыктардын жоктугунан кардын суулары кайра турак жайларын каптаган. Ошондой эле бул жайда суу өтүүчү арыктар жана каналдар жок.

"Негизи, республикабыздын аймагындагы турак жайларды сел каптаган көп учурлар жарандардын эшик алдындагы арыктарын тазалабагандыгынан, жергиликтүү бийлик калкка түшүндүрүү иштерин жүргүзбөгөндүгүнөн улам болорун адистер айтып келишет",- деп айтылат маалыматта.

Эскерте кетсек, кечээ, 10-февралда өзгөчө кырдаалдар министринин орун басары Равшан Рысбаев министрликке караштуу түзүмдүк бөлүмдөр менен аймактык башкармалыктардын жетекчилерине чукул жыйын өткөрүп, февраль айы жылуу жана жаан-чачынга мол болуп, дарыялардагы суулардын деңгээли көтөрүлүп, сел жана суу ташкындарын пайда кыларын эскерткен. Ошого байланыштуу кырсыктардын алдын алуу боюнча бардык чараларды көрүүнү тиешелүү жетекчилерге тапшырган.

Ала-Тоо конушун суу каптады

Автор: Айпери Ганыжан кызы

13:38 11-02-2015

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (3)

stimyl.kg

2015-02-11 13:53:11

Таза эле балээ болдуго кыргызыма ар тараптан.

altynaiB

2015-02-11 15:32:22

Элдер оздору эле ашар топтоп бир аз арык салып агызып жиберишпейби уйуно кирип кеткинче карап отура беришпей. Бала чака деле кантип кун корот мындайда.

Bella-life

2015-02-11 17:50:54

новостройкаларда жолдун эки тарабында арыктар корунбойт, керек болсо айылда ошондой арыктар бар, каалайсынбы каалабайсынбы жылына бир жолу трактор келип улам из салып турат.
Бул озубуздун тузгон удобствобыз, элдер озулору деле ошону айыл окмотуно айтса кылышат да

Комментарий калтыруу үчүн өз ысымыңыз менен кириңиз же каттоодон өтүңүз.