7 облусту бир айда кыдырган Ринат: "Максатым - жаштарды спортко үндөп, ички туризмдин өнүгүшүнө салым кошуу"

17 жаштагы Ринат Зарыпбек уулу Бишкектеги №100-кесиптик лицейде 2-курста окуйт. Үстүбүздөгү жылдын 25-августунда өлкөдөгү 7 облусту кыдыруу үчүн велосипед менен жолго чыккан. Бир ай убакыт ичинде 4250 чакырым жолду басып өткөн. Велосаякат аркылуу ал жаштарды спортко үндөп, ички туризмдин өнүгүшүнө салым кошууну максат кылган.

“Бул велосаякат аркылуу эң алгач мекенимдеги кооз жерлерди көргүм келди. Досторумдун арасынан Ошту, Баткенди, Нарынды көрө электери бар. Менимче, өлкөнүн өнүгүшүнө ички туризм да чоң салым кошот, анткени ички карым-катнаш болуп туруш керек. Ошондой эле бул иш-чара аркылуу жаштарды спортко чакыргым келди. Айрымдар баягы эле күнүмдүк жашоо менен окууга келишет, кайра үйгө кетишет. Алдыга койгон эч кандай максаттары жок”, - дейт Ринат.

Каарманыбыз өлкөнү айланып чыгуу үчүн алгач Бишкектен Талас облусуна жол тарткан. Анан ал жактан Чаткал районуна өтүп, Ош, Баткен облустарын кыдырган. Кийин Тогуз-Торо району аркылуу Нарын облусуна барып, андан ары Ысык-Көлдү айланып чыккан.

“Жалпы 13 ашууну аштым. Албетте, узак жол болгон соң кыйынчылыктар болбой койбойт. Чаткалга баратканда суум түгөнүп калып, ачка болгон күндөр болду. Кээде жамгыр жаап, суу болдум, бирок тургундарга жолукканда аларды унутуп коёсуң. Себеби кайсы үйгө барбайын күлүп-жайнап, жакшы тосуп жатышты. Бул саякатымда кыргыз элинин меймандос экенине дагы бир ирет ишендим”.

Ринат жаш экенине карабай алдыга көп максаттарды койгон. Окууну ийгиликтүү аяктаса, велосипед менен ар бир айылды кыдырып, андан ары чет өлкөгө сапар алууну көздөйт.

“Менин бул жүрүшүмдү өлкөдөгү белгилүү ишкер колдоп берди. Жалпысынан 100 миң сомго жакын акча короттум. Эми 4-5 күнгө Алматыга Ысык-Көл облусу аркылуу барып келсемби деп турам. Алдыга койгон максаттар көп”, - дейт Ринат.

Ринат Зарыпбек уулу спорт менен профессионалдык деңгээлде машыкпайт. Спорттун бул түрү менен алектене баштаганына 1 жылдай болду. Буга чейин Ринат велосипеди менен 2015-жылы Ысык-Көлгө турга чыгып, 300 чакырымды 17 саатта басып өткөн. Ошондон бери алыскы сапарларга чыгып турат.

Автор: Бекжан Рыскулов

16:43 06-11-2016

Жазылуу

РУБРИКАДАГЫ СОҢКУ КАБАРЛАР

10:44 2025-05-14 | Маданият, шоу-бизнес

Асел Кадырбекова Бишкек шаардык кеңешинин Ардак грамотасы менен сыйланды 465 0

10:42 2025-05-14 | Кылмыштар, кырсыктар

Курулушта коопсуздукка кайдыгер караган деп компания жетекчиси жана бийлик өкүлү кармалды 342 0

10:16 2025-05-14 | Спорт

Кыргызстандык спортчу парадзюдо боюнча эл аралык мелдеште коло байгеге ээ болду (видео) 187 0

10:06 2025-05-14 | Түркүн дүйнө

Өзбекстандын жарандары 1-июндан тарта Кытайга визасыз кире алышат 361 0

10:00 2025-05-14 | Кылмыштар, кырсыктар

Караколдо менчиктештирилип кеткен соода базасы мэрияга өткөрүлдү (видео) 218 0

09:51 2025-05-14 | Коом жана турмуш

Нарындагы жер титирөө: Ак-Талаада 99 үйдүн дубалынан жарака кеткен 470 0

Архив

Комментарийлер (14)

Dadasdasd

2016-11-06 16:50:12

Сууктан абайла. Бирок азаматсын.

Kroxa

2016-11-06 16:54:20

Эми толугураак жазыпсынар..мурунку жазган жерде коменттер эзди бироо жоо ошко барып таксинин акчасын экономдойм дейт кошуп алчы чогуу кыдырсын адашып кетпей:-):-)

ekaterinburg

2016-11-06 17:03:34

Куч кубат берсин,барган жеринден бак тап.

Dilnura

2016-11-06 21:21:17

молодец жигит бар бол

barsbegKG

2016-11-06 21:50:59

Суроттордон байкаганда баткенге барбаптыр го

-2

Asyl.jazi

2016-11-06 22:51:20

Биринчи суроттогу копуро каякта курулган

-2

bakyt9

2016-11-07 09:03:41

Asyl.jazi,
Жалал-Абад облусунун,
Таш-Көмүр шаарында нарын дарыясына,
курулган көпүрө.

Alibek-0001

2016-11-06 23:45:06

Мен да велосипед алайын деп жургом. Ринат сен каерден жана канча сомго алгансын?

-1

Alibek-0001

2016-11-06 23:45:31

Эгер окуган болсон жооп жазып кой брооо!

-1

Nur1k

2016-11-07 00:17:48

Жуз мин сом неге анчалык коп кетет? Но Эркек мен да айланып чыксамбы деген ой келип кетти ( интересге )

-1

Alibek-0001

2016-11-07 01:03:14

Кандай маркаддагы велосипеддер жакшы? Ким билет?

modem4999

2016-11-07 01:07:13

Alibek-0001,Ринаттан сура да.

incognito1

2016-11-07 01:35:54

Биз дагы жолдошум экообуз эки жылдан бери планлап, эч эле убакыт таба албай жатабыз. Кудай буйруса жайында созсуз Кыргызстанды кыдырып чыгабыз, только машина менен)))

X-peria

2016-11-07 08:30:23

Окуу не болду?

Комментарий калтыруу үчүн өз ысымыңыз менен кириңиз же каттоодон өтүңүз.