Кыргыз-Орус өнүктүрүү фондунун төрагасын издөөдө келтирилген чыгымдар төлөндү

Кыргыз-Орус өнүктүрүү фондунун төрагасы Эркин Асрандиев Ысык-Көлгө сүзгөнү кирип, дайынсыз болуп изделген. Ал аман-эсен табылгандан кийин, издөө иштерине кеткен чыгымдарды төлөдү. Мындай маалыматты аталган фонддун басма сөз катчысы Бегимай Азимжанова социалдык тармактагы баракчасына жарыялады.

"Издөө иштерине жалпы 17 куткаруучу, алардын алтоосу суучулдар катышкан. Атайын ыкчам штаб түзүлгөн. Премьер-министр Мухаммедкалый Абылгазиев фонддун төрагасын издөө иштерине бардык күчтү жумшоону тапшырган. Учурда куткаруу, издөө операциясында келтирилген чыгымдар кайтарылды. Анда мамлекеттик резиденциядан 400 литр, жергиликтүү бийликтен алынган 600 литр күйүүчү майдын чыгымдары төлөндү. ӨКМ келтирилген чыгымдар үчүн кайтарымды алуудан баш тартты. Мындан улам Эркин Шамшудинович министрликке суучулдар үчүн шайман тартуулайт", - деп жазылат билдирүүдө.

Эркин Асрандиев 31-август күнү Ысык-Көлгө сүзгөнү кирип, дайынсыз болуп жатканы жана аны куткаруучулар издөөгө алганы маалымдалган. Ал 1-сентябрга караган түнү 02:10 чамасында аман-эсен табылган.

Эркин Асрандиев Чырпыкты айылынан Тоң районунун Кара-Талаа айылын көздөй көлдө сүзүп баратып, дайынсыз жоголгон. Издөө иш-чараларын жүргүзүү үчүн, жалпы Өзгөчө кырдаалдар министрлигинен 17 куткаруучу, “Мөлтүр” жана “Москва” кемеси, 1 катер тартылып, саат 02:10 чамасында дайынсыз болгон киши аман-эсен табылган. Ал Тоң районунун Шор-Булак айылынын тушунда көлдө сүзүп келе жаткан.

Автор: Бактыгүл Момбекова

13:22 04-09-2019

Жазылуу

РУБРИКАДАГЫ СОҢКУ КАБАРЛАР

22:06 2025-07-22 | Коом жана турмуш

Садыр Жапаров Монголиянын президенти менен бирге "Мейкин Азия" музыкалык фестивалын көрүүдө 3 0

21:42 2025-07-22 | Коом жана турмуш

"Ушуга макулсуңбу?" Ташиев Масы айыл өкмөтүнүн башчысынан аны текшертүүгө уруксат алды (видео) 255 0

21:24 2025-07-22 | Кылмыштар, кырсыктар

Сокулукта жер тилкелерин мыйзамсыз сатууга шектелип 34 жаштагы киши кармалды 204 0

21:03 2025-07-22 | Коом жана турмуш

"Ким уруксат берген?" Ташиевди Ноокенге барганда акимдин жоктугу ачууландырды (видео) 852 0

20:18 2025-07-22 | Коом жана турмуш

"Кадрларды өзүңөр тандагыла". Ташиев депутат Айбек Алтынбеков тууралуу маалыматтар бар экенин айтты (видео) 1005 0

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 596 0

Архив

Комментарийлер (3)

Tolik777

2019-09-04 13:44:36

Ушуну жумуштан айдап. Сууда сузуу боюнча машыктыруучу кылыш керек.

elchi84

2019-09-04 18:09:25

Албетте акча фондтон болгондон кийин ар бирине машине алып берсе деле болмок .Россия өнүксүн ушулар деп берген акчаны майдалап жыргап жатышат да булар.

Samatalibei

2019-09-04 23:45:25

Кыргызстан онукпой жатса сизге сууда эмне бар экен. Бир аз онугуп алалычы анан Темир Сариевич менен сизди далай жолу жарыштырабыз. Азыр иштешибиз керек убакыт жок!

Комментарий калтыруу үчүн өз ысымыңыз менен кириңиз же каттоодон өтүңүз.