Ун, май, күрүч, макарон... Өкмөт айрым азык-түлүктөрдү сыртка чыгарууга тыюу салат

Кыргыз өкмөтү кээ бир азык-түлүктөрдү сыртка чыгарууга убактылуу чектөө киргизет. Бул тууралуу буйрукка өкмөт башчы Мухаммедкалый Абылгазиев кол койду.

"Чектөөгө кирген азык-түлүктөргө буудай, ун , суу май, кумшекер, жумуртка, күрүч, макарон жана зыянсыздандыруучу, бактерияга каршы каражаттар кирет.

Бул кадамдар ички рынокту стабилдештирүү үчүн жасалып жатат", - деп айтылат маалыматта.

Тиркелген тизмеге ылайык, алты ай товарлардын айрым түрлөрүн Кыргыз Республикасынан экспорттоого убактылуу тыюу салуу белгиленет.

Кыргыз Республикасынан үчүнчү өлкөлөргө сатууга (экспорттоого) убактылуу тыюу салынган айрым товарлардын тизмеси:

№	Товарлардын аталышы
1	Буудай жана меслин
2	Буудай уну
3	Өсүмдүк майы
4	Күрүч
5	Макарондун түрлөрү
6	Шекер
7	Тоок жумурткасы
8	Тамак-аш үчүн йоддолгон туз
9	Тоют (чөп, саман, комбикорм, улпак жана дан тоюту)
10	Салфеткалар жана башка бактерияга каршы каражаттар
11	Дезинфекциялоочу каражаттар

Өкмөткө караштуу Мамлекеттик бажы кызматы, Мамлекеттик чек ара кызматы, Экономикалык кылмыштуулукка каршы күрөшүү боюнча мамлекеттик кызматы мыйзамсыз экспортту жоюуга багытталган зарыл чараларды көрүүдө.

Токтом кол коюлган күнүнөн тартып күчүнө кирет.

Автор: Гүлшат Ысамамат кызы
Фото: Гүлшат Ысамамат кызы