Жасалма өткөрмө кагазын колдонуп кармалган үч окуя катталды. Жалал-Абад шаарынын жана Сузак районунун комендантынын маалымат жыйыны (хронология)

Бүгүн, 8-апрелде Жалал-Абад шаары жана Сузак району боюнча коменданты Жеңишбек Жоробеков маалымат жыйын берди.

Ал облуста абал туруктуу экенин билдирди.

2020-04-08 13:38:00

"Урматтуу Жалал-Абад шаарынын жана Сузак районунун тургундары, мыйзамды сактап, коомдук жайларга чыкпашыңыздарды суранабыз. Коменданттык саат башталган убакта үйүңүздөрдө болушуңуздарды суранабыз. Сиздер эрежелерди так аткарсаңыздар, биз бул кырдаалдан бат чыгаарыбызга ишенем", - деди Жоробеков

2020-04-08 13:33:00

Коменданттык саат кирген Жалал-Абад шаарында жана Сузак районунда 450 миңге чукул адам жашайт.

2020-04-08 13:30:00

"Социалдык фонд тарабынан пенсия, айлык маяналар почта кызматкерлери аркылуу үйлөргө жеткирилип берилет. Эгер сиз карточка аркылуу алып жүрсөңүз анда Социалдык фондго арыз менен кайрылсаңыз болот" - деп айтты комендант

2020-04-08 13:26:00

"Бишкек шаары менен Жалал-Абад облусунун ортосундагы каттамдар токтотулган. Жүк ташуучу унаалар гана өткөрүлөт. Мүмкүн болсо каттабай турууңуздарды суранат элем. Көп тоскоолдуктарга дуушар болосуздар", - деп айтты комендант.

2020-04-08 13:20:00

Жалал-Абаддагы Спутник аймагындагы жарандар коменданттык саат эрежелерин сактабай жаткандыктан, аталган аймакта тартип күчөтүлөөрүн айтты Жеңишбек Жоробеков.

2020-04-08 13:15:00

Облус аймагында жасалма өткөрмө кагазын колдонуп кармалган үч окуя катталган

2020-04-08 13:14:00

"Жалпысынан облус аймагында абал туруктуу деп эсептейм" - деп билдирди Жоробеков.

Автор: Азат Бейшенбеков