"Бүгүнкү күнү чет мамлекеттердеги 4 миңден ашуун Кыргыз жараны өлкөгө кайтууну каалашууда" дейт тышкы иштер министринин орун басары

Мекендештерди өлкөгө кайтаруу боюнча иштер туруктуу негизде жүргүзүлүүдө. Республикалык ыкчам штабдын жыйынынын жүрүшүндө тышкы иштер министринин орун басары Нурлан Абдрахманов чет өлкөдөгү Кыргыз жарандары менен иш алып баруу тууралуу айтып берди. Бул боюнча өкмөттүн басма сөз кызматынан билдиришти.

Анын айтымында, бүгүнкү күнү 4 миңден ашуун жаран Кыргыз өлкөсүнө кайтууну каалашууда.

"Дүйнөдө коронавирус жайылган учурдан тартып Кыргыз өлкөсүнө Тышкы иштер министрлигинин жана башка мамлекеттик органдардын аракеттенүүсү аркылуу жалпысынан 6767 Кыргыз жараны өлкөгө кайтарылган", - деди министрдин орун басары.

Ал белгилегендей, башка мамлекеттерден мекендештерди кайтаруу иштеринин алкагында, Кыргыз Республикасынын чет өлкөдөгү мекемелери тарабынан жарандардын аты-жөнү жазылган тизмеси түзүлүп, аларды өлкөгө алып келүү жолдору жана каттамдары изделүүдө.

"Жарандарыбызды ташуу үчүн коммерциялык чартердик рейстер уюштурулууда. 25-мартта жана 17-апрелде Түркиядан 410 жаран, 22-апрелде Новосибирсктен 176 жаран келген. 24-апрелде Стамбул-Бишкек каттамы менен 351 адам учуп келди. Чартердик каттамдарды уюштуруу пландаштырылган, бир катар башка өлкөлөрдөн жарандарыбызды кайтарып келүү маселесинин үстүндө иштеп жатабыз", - деди Нурлан Абдрахманов.

Жыйындын жүрүшүндө лабораторияларды тест-системдери менен камсыздоо маселелери талкууланды.

Саламаттыкты сактоо министрлигине, Тышкы иштер министрлигине тест-системдерин сатып алуу жана өлкөгө жеткирүүнү уюштуруу иштерин күчөтүү тапшырылды.

"Мен буга чейин белгилегендей, тест-системдердин запасы бизде дайым болушу керек. Бул боюнча үзгүлтүксүз иш жүргүзүү кажет. Лабораториялар толук кандуу иштөөгө тийиш. Жакынкы мезгилде 49 конуштун, Бишкектин тегерегиндеги жаңы конуштардын жашоочуларын текшерүү, зарылдыгына жараша тест алуу башталат. Мындан тышкары биз жаңы аба каттамдарды күтүүдөбүз. Бардык тармактык кызматтар толук даяр турушу шарт, эч кандай катачылыктар жана иштеги жетишсиздиктер болбошу керек", - деди Кубатбек Боронов.

Штабдын жыйынынын жыйынтыгы боюнча мамлекеттик жана жергиликтүү бийлик органдарына тапшырмалар берилди.

Автор: Жылдыз Джускембаева

16:54 24-04-2020

Жазылуу

Тектеш кабарлар:

Өкмөт башчы Айыл чарба министрлигине жазгы талаа иштерин тийиштүү деңгээлде өткөрүүгө зарыл шарттарды түзүү боюнча тапшырмаларды берди

Сутка ичинде коронавирустан айыккан 19 бейтап ооруканалардан чыгарылды

Милдеттүү медициналык камсыздандыруу фондунун башчысы дары-дармектер менен камсыз кылуу боюнча кырдаал бир топ турукташканын айтты

Акыркы суткада 68 адамдан коронавирус илдети аныкталса, ооруканадан 55 бейтап чыгарылды

Орусияда коронавирустан сутка ичинде 114 бейтап каза болду

Премьер-министр: "Коронавирус инфекциясы боюнча кырдаал начарлашы мүмкүн, ага карата даярдыкты күчөтүүнү камсыз кылуу шарт"

"Терминал" тасмасы эсиңиздеби? Коронавирустан улам мекенине кайта албай калган ганалык футболчу аэропортто 72 күн жашаган

Өзбекстанда коронавирус жуктуруп алгандардын саны 30 миң 197ге жетти

"Кыргыз темир жолу": "Эл аралык каттамдар токтотулду. Билет алгандардын акчасы кайтарылып берилет"

Ошко Новосибирсктен 154 Кыргыз жараны кайтып келди, алардын ичинде 3 дарыгер бар

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (2)

Zhoro

2020-04-24 21:24:26

Чартерине ....москвадан качан чыгарып кетет кыргыздарды

Nemo_0587

2020-04-25 00:16:04

Москвадан качан рейстерди ачат жок дегенде бир жумада бир учак каттап турса жакшы болот эле. Жок дегенде автобустарга уруксат берсин Орусия, Казакстан менен сүйлөшүп, акчабызды өзүбүз төлөп кете беребиз.

Комментарий калтыруу үчүн өз ысымыңыз менен кириңиз же каттоодон өтүңүз.