"Жок дегенде тосуп койчу зым менен!". Кыргыз-Тажик чек арасы боюнча бийликке кайрылган ырлар топтому (видео)

Жеңишбек Жумакадыр

"Өкмат аке бир жолук"

Арманымды мен айтайын ыр менен,
Жыйырма жылы кыйналдык го чыр менен.
Чек араны суранамын чоңдордон,
Жок дегенде тосуп койчу зым менен.

Тажиктердин чек арасы зым болуп,
А биздики кулап калар чым болуп.
Арман басып дүнүйөм,
Айрылганча үйүмөн.
Айланайын, Мамат аке,
Айбалаев бизге бир жолук.

Үч-төрт тажик сойлоп өтүп үйүмөн,
Бир заматта ойрон болду дүнүйөм.
Көрүп калсам Баткенимден Жиптерди,
Ак Үй жактан келдиби деп сүйүнөм.

Башкалардын чек арасы зым болуп,
А биздики кулап калар чым болуп.
Арман басып кейигем,
Айрылганча жеримен.
Айланайын, айланайын,
Депутаттар бизге бир жолук.

Партиялар каалагандай калчады,
Элдин баары шайлай берип чарчады.
Казактарга Каркыраны карматтык,
Эми билбейм жоготобуз канчаны?

Кыздарыбыз ойлогону пул болуп,
Күйөө балдар ким экени сыр болуп.
Кудай Таала эс берсе,
Кытайларга кеткенче.
Кагылайын мен алайын,
Карындашым мага бир жолук.

Бир башкача сезим бийлейт дүйнөмдү,
Көргөнүмдө газы өчкөн үйлөрдү.
ГЭСибиз бар, эсибиз жок экен го,
Токтогулдан суу жоголду ким көрдү?

Карайлаган көңүлдөргө нур толуп,
Кайра баштан кубаналы бир болуп.
Жерин сатып талаалатпай,
Элин баккан Манастай.
Айланайын, кагылайын,
Ким болсоң да бизге бир жолук.

Видео материал интернет булактарынан алынды. Зээни кейип, буулугуп турган Көк-Таш айылынын кулуну Байаман Жоробай уулу ыр менен абалды айтып берген.

Өмүрбек Азимбаев

"Баткендин арманы"

"Бир тууган алты агам" бар бөлүнүшкөн,
Бирикпей бир-бирине сөгөнүшкөн.
Бой жетип мен ымыркай кезде булар,
Байкуш мен кур калыпмын көп үлүштөн.

Жүктөлгөн турмуш жүгү жонумдагы,
Жүдөтүп өспөй калды боюм дагы.
Алсыз деп "сакалчандар" мага келип,
Аткартат талаптарын оюндагы.

Анчейин бурбайт көңүл "атам" дагы,
Алпештеп бакпайт байкуш "апам" дагы.
"Кошунанын" балдарынын таягын жеп,
Кокуй ай, канча азапка батам дагы?!...

"Кошуналар капталдагы, туурадагы" ,
Койгулайт, унчуга албайм урса дагы.
Кайрылбайт "атам, апам, агаларым",
Кансырап жаным сыздап турса дагы.

Айла жок көк беттенип муштум кезеп,
Айтамын ичтен түтөп: "Келет кезек!"
А бирок ошол күнгө жетчү жолдун,
Азабы көп ойлонтуп жүрөктү эзет...

Бирок да үмүт чиркин өчпөйт билем,
Бир күнү менин көчөм көктөйт билем!
Бир эле "агаларым, атам" эмес,
Бүтүндөй дүйнө мени көксөйт билем!

Жолдордо кыйма-чийме жаңы салган,
Жорголоп күмүш түстүү арабачан.
Жамынган жыртык тонун чечип салып,
Жасанат дал ошондо "аяш аваң!

Эламан Келдибеков

"Баткенден келген пасылке"

Автор: Гүлшат Ысамамат кызы

08:37 10-05-2020

Жазылуу

Тектеш кабарлар:

Кыргыз-тажик чек арасындагы жаңжалдан кийин ооруканага жаткырылган айыл башчысынын абалы туруктуу

Президент: "Баткен облусунун чек ара аймагындагы кырдаал менин жеке көзөмөлүмдө турат"

Депутат Орозова: "Эки өлкөнүн ортосундагы көп келишимдер каралып жаткандыктан, чек ара боюнча маселе жабык каралууда"

Кыргыз-Тажик чек арасына жакын Көк-Таш айылынын тургундары: "Бизге Баткендин, Көк-Таштын ар бир метри алтындан да баалуу"

Өкмөт башчы Кыргыз-Тажик чек арасындагы чыр боюнча чукул жыйын өткөрө элек

Коопсуздук кеңеши азыркы саатка карата Баткендеги абал боюнча маалымат берди

Тажикстан тарап чек арадагы жаңжалдан бир адам каза болуп, 10дон ашуун адам жаракат алганын билдирди

Чек арада каза болгон Равшан Муминовдун үй-бүлөсү өкмөт берген үйгө көчүп кирди

Ташиев менен маалымат жыйынына катышкан Бактыяр Калпаев иштен айдалды

Чек ара кызматы: "Баткендеги Кыргыз-Тажик чек арасы жайгашкан аймакта абал туруктуу"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (1)

Kultegin

2020-05-10 08:59:15

Элмирбек бейишин Болсун, Элмирбек менен Женишбек залкар инсандарсынар. Элмирбектин чондорго арналган ыры таамай айтылган,

Комментарий калтыруу үчүн өз ысымыңыз менен кириңиз же каттоодон өтүңүз.