Ак-кыялыктар менен жергиликтүү бийлик ортосунда чыр чыкты. "Коронавирус аныкталган адамдар дарыланууга каршылык көрсөтүшкөн" дейт өкүлчүлүк (фото, видео)

Интернет желесине "Ак-Талаа районунун Ак-Кыя айылынын жашоочулары менен жергиликтүү бийлик ортосунда түшүнбөстүк жаралды" деген видео тарады. Видеодон топтолгон элдердин нааразычылык сөздөрүн угууга болот. Арасында "блокпостторду алгыла, керек эмес" дегендер бар. Мындан тышкары коргоочу каражаттарды кийип жүргөн адамга көпчүлүк жабылып, анын аракеттерине каршылык көрсөткөнү тартылган. "Тез жардам" кызматынын унааларын да көрүүгө болот.

Окуянын чоо-жайын билүү үчүн SUPER.KG порталы өкмөттүн Нарын облусундагы ыйгарым укуктуу өкүлчүлүгүнүн басма сөз кызматына кайрылды. Өкүлчүлүктөн видео 22-майда тартылганын, бүгүнкү күнгө карата абал жөнгө салынганын кабарлашты.

"Нарын облусунун Ак-Талаа районунан коронавирус инфекциясын 18 адам жуктуруп алган. Ак-Кыя айылынан 14, Баетов айылынан 2, Үгүт айылынан 2 адам. Райондогу оорунун очогу Нарын облустук төрөт бөлүмүндө илдетти жуктуруп алган 2 аял менен байланышта болгон адамдардан чыгууда.

Учурда вирус табылган адамдардын бардыгы райондук ооруканада изоляцияга алынды. Алар менен байланышта болгондор обсервацияда.

22-майда Ак-Кыя айылындагы вирус табылган 8 адам ооруканага жатып дарыланууга каршылыгын билдиришкен. Видео ошол учурда тартылган. Калган жашоочулар аларды колдоп чыгышкан. Жергиликтүү бийлик тарабынан түшүндүрүү иштери жүргүзүлүп, бардыгы ооруканага жаткырылды.

Ак-Кыя жана Көк-Жар айылдары курчалып, посттор коюлду. Мобилдик топтор ооругандар менен контакт болгондорду аныктап, анализдер алынууда. Баетов, Үгүт айылдары да курчоого алынган. Райондо абал туруктуу. Ооругандардын абалы канааттандырарлык", - деп билдирди маалымат катчысы Назгүл Мүсүралиева.

Ак-Талаа районунун Ак-Кыя айылында жергиликтүү бийлик менен элдин ортосунда түшүнбөстүктөр жаралды

Автор: Кызжибек Раимова
Фото: Өкмөттүн Нарын облусундагы ыйгарым укуктуу өкүлчүлүгүнүн басма сөз кызматы

17:29 23-05-2020

Жазылуу

Тектеш кабарлар:

Соңку суткада коронавирустан дагы эки бейтап каза болду

Коронавирустан каза болгон медицина кызматкеринин үй-бүлөсүнө компенсация эртең төлөнүп берилери айтылды

Түркия коронавирус жуктуруп алгандардын саны боюнча Кытайды артка калтырды

Саламаттыкты сактоо министринин орун басары өлкөдө эпидемияга каршы чектөөлөр күчөтүлүшү керектигин айтты

Алматыга карантин кайрадан киргизилет. Буйрукка кол коюлду

АКШнын президенти кадимки жашоо ыргагына кайтууга дагы көп убакыт бар экенин айтты

"Чаңдан коргонуу үчүн". Коронавирус инфекциясы менен ооругандар жок делинген Түркмөнстандын президентинин бет кап тагынган сүрөтү жарыяланды

"Үйдө бол!" Париждеги Эйфель мунарасы адамдарга кайрылуу жасады

Бишкекте ушул аптанын дем алыш күндөрү коомдук транспорттордун жүрүүсүнө чектөө киргизилет

Ош шаарынын мэри: "Айрым өнөр жай ишканаларынын иштөөсүнө уруксат бердик"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (3)

gute

2020-05-23 17:55:54

Оо менин айылымда. Сабр кылгыла чыдасанар отуп кетет баардыгы убактылуу. Каршылык коргозуп эчтеке таба албайсынар.
Бул вирус дагы чон дуйнолук саясат !
Коронавирус - 21-кылымдын афёрасы

Kattaldym

2020-05-23 18:15:44

Айылыңда олимпиада өтүп аткандай эле сүйүнүптүрсүң го... Менин айылымда деп кетет.

-2

Adil18

2020-05-23 19:06:56

Kattaldym,
Озу башка мамлекетте болуп,айылынын атын угуп суйунуп жатат "Оо менин айымго" деп.
Сабыр кылгыла деп жазып жатат го.

Комментарий калтыруу үчүн өз ысымыңыз менен кириңиз же каттоодон өтүңүз.