Орусияда эң күчтүү иммунитет 13 жашка чейинки балдардан аныкталды

Орусияда коронавируска каршы эң күчтүү иммунитет 13 жашка чейинки балдарда болору аныкталды. Бул тууралуу Роспотребнадзорго таянуу менен орусиялык басылмалар жазып чыгышты.

Маалыматка ылайык, июнь-август айларында Орусиянын 26 субъектисиндеги 71,8 миң адам текшерүүдөн өткөн.

"Иликтөөнүн жыйынтыгында 11 региондо жашагандардын жамааттык иммунитетинин деңгээли 20 пайыздан ашыгыраак болгон. Ал эми эң жогорку деңгээли мектепке чейинки (1-6 жаштагы) жана мектеп курагындагы 7-13 жаштагы балдардан аныкталган. Бул курактагылардын көрсөткүчү аймактагы жамааттык иммунитеттин орточо деңгээлинен 1,3 - 2,1 эсеге көбүрөөк болгон", - деп айтылат маалыматта.

Ошондой эле калктын социалдык-кесиптик түзүмүндө саламаттыкты сактоо жана билим берүү тармактарынын кызматкерлеринин иммунитети күчтүрөөк экени айтылган.

Автор: Гүлзина Каныбекова