"Клапандары бар бет кап коронавирустан сактабайт" дешет окумуштуулар

Клапандары бар бет кап коронавирустан сактабайт. Мындай жыйынтыкка АКШнын окумуштуулары келишкенин чет элдик басылмалар жазып чыгышты.

Окумуштуулар клапандуу бет кап же бетти тосуучу экраны бар коргоочу каражаттар вирустун жайылышын токтото албастыгын айтышкан.

"Бул үчүн атайын эксперимент жүргүзүлгөн. Анын негизинде адистер аталган коргонуучу каражаттардан аба тоскоолдуксуз кирип-чыккандыктан, вирус айлана-чөйрөгө тез эле тарап кетет деген жыйынтыкка келишкен. Ал эми кадимки медициналык бет каптар коронавирустун жана башка курч респиратордук вирустардын таралышын жайлатары аныкталган", - деп жазылат маалыматта.

Автор: Бактыгүл Султаналиева