АКШнын Орегон, Калифорния жана Вашингтон штаттары бери дегенде 96 ири табигый өрттүн астында калды. Алардын жалпы аянты 1 миллион 4 миң гектарга жакын. Бул тууралуу чет элдик басылмалар жазып чыгышты.
Маалыматка ылайык, Орегондо өрттөн улам асман кызарып кеткен. Жергиликтүү жашоочулардын айтымында, ушул кезге чейин штатта мындай ири көлөмдөгү жаратылыш кырсыгы болгон эмес.
"Он миңдеген адамдар коопсуз жайга көчүп кетүүгө аргасыз болду. Өрттүн кесепети көптөгөн жоготууларга алып келиши мүмкүн. Өрт ысык аба ырайынан улам келип чыккан. Ысык, кургак аба ырайы жана катуу шамал алардын жайылышына себеп болууда", - деп айтылат маалыматта.
