"Беттешин сөзсүз көрөм". АКШ президенти Дональд Трамп Хабиб Нурмагомедовду дүйнөдөгү эң мыкты мушкер деп атады

АКШ президенти Дональд Трамп орусиялык мушкер Хабиб Нурмагомедовду салмак категориясына карабастан дүйнөдөгү эң мыкты мушкер деп атады. Бул тууралуу президент UFC уюмунун президенти Дана Уайт жана шайлоочулар менен жолугушуу учурунда айткан.

"Мен сизге дагы бир мыкты мушкер Жастин Гэйтжи жөнүндө айткым келет. Ал дүйнөдөгү эң мыкты мушкер менен беттешкени жатат. Ал Хабибди техникалык нокаут менен утарын айтты. Мен бул беттешти сөзсүз көрөм. Ишенсеңер болот, бул укмуштуудай беттеш болот", - деген Трамп.

Белгилей кетсек, UFC мушкерлеринин рейтингинде Хабиб Нурмагомедов америкалык мушкер Жон Жонстон кийин экинчи орунда турат.

Нурмагомедов-Гэйтжи беттеши 24-октябрда Абу-Даби шаарында көрүүчүлөрсүз өтөт.

Автор: Азат Бейшенбеков