Коронавирустан айыктыруу үчүн Кыргыз өлкөсүнөн "кызыктуу" сунуш. Дүйнөлүк басылмалар уу коргошун тууралуу эмне деп жазышты?

Президент Садыр Жапаровдун COVID-19ду элдик медицинада колдонулуп келген уу коргошун менен дарылоону сунуш кылгандан кийин Кыргыз өлкөсү дүйнөлүк маалымат каражаттарында күн тартибине чыкты. Саламаттыкты сактоо жана социалдык өнүктүрүү министри Алымкадыр Бейшеналиев бул өсүмдүктүн тундурмасын колдонуп коронавирустан жабыркаган 300 бейтапты дарылаганын жана аны колдонуу айтылып жаткандай кооптуу эмес экендигин айткан.

"Дүйнө жүзү боюнча таасири тарай элек коронавирус эпидемиясына каршы илимий изилдөөлөр уланып жатканда ушуга байланыштуу Кыргыз өлкөсүнөн "кызыктуу" сунуш келди", - деп жазган Sabah басылмасы.

Маалыматта Кыргыз өлкөсүнүн расмий өкүлдөрү коронавируска каршы уулуу өсүмдүк уу коргошундун таасирдүү экендигин жарыялаганы, саламаттыкты сактоо министри Алымкадыр Бейшеналиев маалымат жыйында дарыны ичип, анын ден соолукка зыяны жок экендигин далилдөөгө аракет кылганы жазылган.

Ал эми BBC радиосунун орус кызматы эксперттер уу коргошун ден соолукка кооптуу экенин, өлүмгө алып келерин эскерткенин жазган.

"Буга чейин Кыргыз өлкөсүндө бул өсүмдүктүн тамырынын тундурмасын ичкенден кийин ууланган учурлар катталган. 2007-жылы баш калаага жакын Новопавловка айылынын 11 тургуну Ысык-Көлдүн тамырынан жасалган тундурмадан ууланып, алардын үчөө күтүүсүздөн көз жумган. 2012-жылы Саламаттыкты сактоо министрлигинин эки кызматкери дагы уу коргошун менен ууланып, бирөөсү каза болгон.

Тянь-Шанда, Памирде, Алтайда Ысык-Көл тамыры, аконит, бөрү тамыры же падыша чөп сыяктуу аталыштарга ээ уу коргошун өсүмдүгү өсөт. Анын сабагынын узундугу 60-80 сантиметрге жетип, жалбырактары катуу, гүлдөрү кызгылт көк. Бул өсүмдүктүн тамырында борбордук нерв, дем алуу жана жүрөк-кан тамыр системаларына таасир этүүчү күчтүү уу бар. Бул өсүмдүктүн тундурмасы адамдын денесине киргенде ашказан, ичеги-карын жолун дүүлүктүрүп, оозду, кызыл өңгөчтү, ашказанды оорутат, кустуруп, шилекейди агызат. Адам ууланганда дене муздап, кубаруу, катуу алсыздык менен коштолот. Медицинада уу коргошун сырткы бөлүк үчүн колдонулуп келет", - деп жазылган маалыматта.

France 24 басылмасы Кыргыз өлкөсүнүн президенти Жапаров коронавирусту дары чөп менен айыктырууну сунуш кылган биринчи президент эмес экенин кошумчалаган.

Түркмөнстандын лидери Гурбангулы Бердымухаммедов мия тамырын коронавируска каршы натыйжалуу даба деп атаган.

Ал эми Мадагаскардын президенти Андри Радзуэлин вируска каршы күрөшүү үчүн безгекти айыктырууда колдонулуп келген артемизия өсүмдүгүнүн жергиликтүү кайнатмасын жайылтууда.

Автор: Самира Шарипова

12:11 19-04-2021

Жазылуу

Тектеш кабарлар:

Коронавирус өлкөдө дагы бир бейтаптын өмүрүн алды, ал Нарындын тургуну

Тасмадагы окуя менен турмуштагы окуянын дал келиши... Нью-Йоркто коронавирустан каза болгон маркумдар массалык түрдө көмүлүп жатат

Бишкек шаары боюнча 12 санитардык пост коюлду

Бейбаштык кылгандар азая баштадыбы? 3-апрелге караган түнү 117 жаран эреже бузду

Бишкектеги 6 мектеп салттуу режимде окутууну баштады

Орусияда сутка ичинде 8 миңден ашык адамдан коронавирус илдети аныкталды

"Бет кап тагынбагандар 3 жылга эркинен ажыратылат". Катар жана Кувейтте бет кап тагынбагандарга жаза күчөтүлдү

Коронавирус менен ооруп жандандыруу бөлүмүндө жаткан 6 жаран пневмония менен жабыркайт

Германиядан келген депутаттар Аида Касымалиева жана Абдыбек Дүйшалиев үй карантинине алынды

"Жалал-Абадда ундун баасы 2 миң сомдон ашып кетти" буга коменданттын жообу

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2184 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 224 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1195 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2862 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1188 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1158 0

Архив

Комментарийлер (5)

Kaninaiman

2021-04-19 12:25:51

Смертельно опасен дейби

Zumrudianka

2021-04-19 14:23:12

Оо Аллахым улук айда эл журттун дуйно жузунун алдында Кыргызстандын президентин жузун жарык кыл нурдуу кыл жана айткан дары чоп эффективно чыксын Роббана аатина фиддуния хасаната Ва фил аахирати хасаната Ва киннаа азаабаннаар

+12

Elaman0693

2021-04-19 16:07:06

Zumrudianka,Озубуздогу кара ниет адамдар кулуп жатат!!..
Молодец, жакшы натыйжа берсин,,
Колдоо керек, бир туугандар!!
Колдобосок да жаман ойду таштайлычы!

Dembele84

2021-04-19 21:32:44

Дуйного шерменде болдук!

-1

sabirdinovich

2021-04-19 22:31:28

Жеке менин оюмча, бул өсүмдүк жөнүндө саламаттыкты сактоо министри эмес, ошол эле министрдин фармацевтика боюнча адиси жакшылап изилдеп далилдери менен билдирүү таратса дагы да жакшы болмок. Министр менен президент мынчалык сөзгө калбайт эле.

Комментарий калтыруу үчүн өз ысымыңыз менен кириңиз же каттоодон өтүңүз.