Ош шаарын көрктөндүрүү максатында былтыркы жылга салыштырмалуу эки эсе көп көчөт отургузуу пландалууда

Ош шаарында шаарды жашылдандыруу жана көрктөндүрүү максатында жакынкы убакыт аралыгында ийне жалбырактуу дарактардын көчөттөрүн отургузуу иштери башталат. Бул тууралуу бүгүн, 28-январда "Жашылдандыруу" ишканасынан билдиришти.

Маалыматка ылайык, былтыр шаар ичинде 1830 түп ар түрдүү бак-дарактардын көчөттөрү жана 31 800 түп бадалдын көчөтү отургузулган. Быйыл алардын санын эки эсе көбөйтүү пландалууда. Март айынан тарта борбордук көчөлөргө декоративдүү дарактарды жана бадалдарды отургузуу иштери башталат.

Автор: Мальвина Уметбекова